وەلید موعەلم: رژێما ئەسەد رێكارێن رووبربوونا قانوونا سیزەر گرتنە بەر
آرك نيوز...رژێما ئەسەد راگەهاند كو وان دەست ب رێكارێن رووبرووبوونا قانوونا قەیصەر كریە , وتەكەز كر كو ئەوێ د سیاسەتا خوەدە بەردەوام بن .
وەلید المعلم وەزیرێ دەرڤەیێ رژێما ئەسەد د كۆنگرەیەكی رۆژنەمەڤانی دە راگەهاند كو رژێما ئەسەد وێ د سیاسەتا خوەدە دەربارێ كارێ كۆمیتەیا دەستووری دە بەردەوام بن , وئەو رازی نابن كو تو ئالیەكی دەرەكی دەستێوەردانێ د تێدە بكن.
هەروەها وەزیرێ دەرڤەیێ رژێما ئەسەد تەكەز وگۆت كو رووبرووبونا قانونا قەیصەر نە ئاسانە , لێ د هەمان دەمێ دە نە ئاستەمەژی , ورژێما ئەسەد دەست ب رێكارێن رووبرووبوونا سزایێن قانوونا قەیصەر كریە.
وژ ئالیێ خوەڤە ژێدەرێن راگەهاندنێ گۆت كو رۆژنامەیا شرق الاوست راگەهاندیە كو د دەمەكە نێزیك دە ئەمریكا وێ ناڤێ سەد كەسێن دن یێن نێزیكی رژێما ئەسەد رابگهینە كو وێ بەر سزایێن قانوونا سیزەر بكەڤن.
بەریا نهاژی هەردو وەلاتێن رۆسیا وئێران تەكەزی ل سەر پشتەڤانیا رژێما ئەسەد د تەڤایا بواران دە ژ بۆ رووبرووبوونا قانوونا قەیصەر كربوون , وئەمریكا ژی تەكەز دكە كو دڤە هەژموونا ئێرانی ل سووریێ وەرە ژناڤبرن , وئەو ل گەل رۆسیا ل سەر هێلێ نە .
351
