عهفرین .. گرووپێن چهكدار تێلێن ئهلكتریكێ ل ناڤهندا باژێر ددزن
گرووپێن چهكدار یێن ل عهفرینێ د كارێ دزیێ ده بهردهوامن وڤێ جارێ دهست ب دزییا كهل وپهلێن دهزگههێن حكومهی و خزمهتگوزاری كرنه .
ژێدهرهك تایبهت ژ ناڤ عهفرینێ و نهخوهست ناڤێ وی ئهشكهره ببه ژ ئاركێ ره راگهاند كو گرووپهك چهكدار دۆه ب دانێ سبێ ئانگۆ جارهم رۆژا جهژنا قوربانێ تێلێن ئهلهكتریكێ یێن ناڤهندا باژارێ عهفرینێ ڤهدكرن و ژ خوه دبرن داكو بازرگانیێ پێ بكن وبفرۆشن.
ژێدهرێ ههورهها دازانین كو گرووپێن ب كارێ دزیێ رادبوون ب بێ تهرس كارێ خوه دكرن بێ كو تو ئالی ژ بهرپرسێن توركیێ یان پۆلیسێن لهشكهری رێگری ژ وان دروست بكن .
ودوه د چارچۆڤهیا بهشداریێ د بوولتهنا ئاركێ ده موستهفا عهبدۆ ئهندامێ ئهنجومهنا خوهجهی یا ناڤچهیا شهرا راگهاند كو ژبهر دزیا كهل وپهلێن ئهلكتریكێ یێن بهنداڤا مهیدانكێ زیانهك مهزن گهشتیه بهنداڤێ و ژ كار هاتیه خستن .
د 12تهباخا ده ژی چهكدارنه ژ سولتان موراد كهبلێن ڤهگوههستنا ئهلهكتریكێ نێزیكی دهورا نهرۆز ڤهكرن و ژ خوه دزیبوون وتهڤی كو خهلكێ وێ تاخا ههست ب دزیێ كرن وتهڤی دهرباسبوونا دهورییهك ژ بۆلیسێن لهشكهری و روودانا شهرهكه دهڤهكی لێ كارێ دزێ بهرنهدان وجارهكه دن ڤهگهریان دزیا خوه و ئهو دزی سێ دهمژمێران بهردهوام كر.
ب دزییا تێلێن ئهلكهتریك مهترسییا برینا وتونهبوونا ئهلكتریكێ ل عهفرینێ دروست دبه وههردهم بانگا وهلاتیێن عهفرینێ ئهو كو كارێ دزی وهره راهستاندن و دهزگههێن حكومی وهرن پارهستن .
ش.ع
584
