داخویانیا دژی نێزیكبوونا كوردی كوردی ژ ئالیێ هن كەسایەتی هات رەتكرن
ارك نیوز .. پشتی كو ژمارەیەك كەسایەتیێن ناڤچەیا رۆژهلاتێ سووریێ داخویانیەك ل دژی نێزیكبوونا ناڤبەرا ئەنجوومەنا نشتیمانیا كورد ل سووریێ , وپارتیا یەكیتیا دیموكراتیك بەلاڤكرن , وناڤێ ژمارەیەك كەسایەتی هاتبوو كو ل سەر ئمزەكرنە , ژمارەیەك ژ وان كەسێن كو ناڤێن وان ببێ ئاگەهداریا وان هاتبوو نڤیساندن بەرچاڤروونی بەلاڤكرن .
ئەنوەر بنی سەرۆكێ ناڤەندا سووری بۆ لێكۆلین وتووێژێن یاسایی ل سەر رووپەلا خوە یا فێسبووكێ بەلاڤكر وگۆت كو داخویانیەك ل دژی نێزیكبوونا ناڤبەرا ئەنجوومەنا نشتیمانیا كورد ل سووریێ وپارتیا یەكیتیا دیموكراتیك دە ژئالیێ ژمارەیەك ڤە هاتیە بەلاڤكرن , وناڤی وی ژی دناڤا ناڤێ كەسێن كو ئمزەكرنە ل سەر داخویایێ هاتیە .
ئەنووەر بنی تەكەز كر كو ئەو نە ئاگەهدارە ل سەر هاتنا ناڤی وی , وراوێژكاری پێ نەهاتیە كرن , وئەو وەكە یاساناس ئمزە ل سەر تو داخویانیێن ب ڤی ئاوای ئمزە ناكە , لەوما پێویستە كو هەموو ئالیەك بزانبە كو ئەو نە ئاگەهدارێ ڤێ داخویانیێە .
وژئالیێ خوەڤە جاد أكرم الجباعی كو ناڤی وی ژی د ناڤا ناڤێن كو ئمزە ل سەر داخویانیێ كرنە هاتیە گۆت كو ئەو نە ئاگەهدارە ژ ڤێ داخویانیێ , وب بێ بزانبە ناڤی وی هاتیە بەلاڤكرن .
وژئالیێ خوەڤە حازم النهار د گوتارەكێ دە بەحسا داخویانیا ل دژی نێزیكبوونا كوردی كوردی كر وگۆت كو پێویستە پێشوازی ل تەڤایا نێزیكبوونا ئالیێن سووری وەرە كرن , وپێویست بوو نامەیەك ژ ئەنەكەسە رە وەرە شاندن وچاڤەریا بەرسڤا ئەنەكەسە هاتبا كرن , ژ بەر داخویانیێن ب ڤی رەنگی تو رۆلەكی د دیتنا چارەسەریان دە ناكە
هەروەها حازم النهار تەكەز كر وگۆت ل گۆری ناڤەرۆكا داخویانیێ نابە نێزیكبوون ناڤبەرا ئالیێن كوردی دە وەرە كرن , وپرسیار دڤردە گەلۆ راستە نابە نێزیكبوون ناڤبەرا ئالیێن عەرەب دە دروست ببە , وداخویانی پشت ب زانیاریێن نە پشت راستكری گرێدایە , وداخویانیێ تو بەلەگەیەك پێشكێش نەكریە وب ئاوایەكی هاتیە ئامادەكرن كو تو ئەكادیمی بوون تێدە نینە .
200
