ئەنەكەسێ داخویانییەك بەلاڤ كر
آرك نيوز... ئهمینداریا گشتی یا ئەنجوومهنا نشتیمانی یا كوردی ل سووریێ داخویانیهك 8ێ حزێرانا 2020 بهلاڤ كر. د داخویانیێ دە مژار و بابهتێن گرێدایی ب رهوشا سووریێ و رۆژئاڤایێ كوردستانێ ڤه گۆتووبێژ كرنه.
داخویانی وها دهست پێ كریه:
سووریێ د رهوشهكه ئابووری زهحمهت ره دهرباس دبه, كو لێرهیا سووری رۆژانه قێمهتا خوه وندا دكه, و ل ههمبهر دۆلارێ ئەمهریكی و دراڤێن بیانی هلدوهشه, ئەو یهك باندۆرێ یهكسهر ل سهر ژیانا وهلاتیان دكه, دهێله كو رێژهیهك بلند د بن هێلا ههژارتیێ ده بژین, د ههمان دهمێ ده, كاركهر ب مووچهیا كێمتر ژ 25 دۆلارێن ئەمهریكی د ههیڤهكێ ده كار دكه, لهوما ئێش و ئازار د چارچۆڤهیا رهوشا كهراساتی یا كو سووریێ ژ بهریا چهند سالان ڤه تێ ره دهرباس دبه زێده دكه, كو د چهند سالان ڤه ژ بهر هشكبوونا رێژیمێ و نهگوهدانێ ژ بریارێن ناڤدهولهتی ره, پرۆسهیا سیاسی, دا كو چارهیهك ژ كریزا سووریێ ره ببینن هاتیه راوهستاندن.
دلگرانیا وهلاتیێ سووری كو ئێدی نكاره پێدڤیێن خوه دابین بكه زێده بوویه, و د رهوشهكه ترسێ ده ژ بهر نهبوونا مادهیێن سهرهكه و دهرمان دژی, نهخاسم جيبجیكرنا یاسایا قهیسهر یا كو ل دژی رێژیم و دهزگههێن وێ نێزیك بوویه.
ل جهم خەلكێ جزیرا رۆژئاڤایێ كوردستانێ نهرحهتی و دلگرانی زێده دبن, كو پرانیێ وهلاتیێن وێ دابارا ژیانا وان ل سهر ژێدهرا بهرههمێن گهنم و جههن, ژ بهر بریارێن پەیەدێ د دانووستاندنا ب وهلاتیان ره, و بازرگانی ب بەرههمان و سهپاندنا نرخهكی ئەرزان كو ب نرخێ تێچوونا وێ ناكه و ب هلوهشاندنا لێرهیا سووری ره نایێ بهرهوهردكرن, سهرباری دهستنیشانكرنا نرخێ بهرههمان و كرینا وێ ئەو بریاران هشت كو خهم و دلگرانیێ زێده ببن.
ئهنجوومهنا نشتیمانی یا كوردی ل سووریێ ههڤدهمێ ههڤخهمێ وهلاتیانە, د ههمان دهمێ ده بانگ ل ههموو ئالیان دكه كو رێیهكه خوهش ژ بۆ فرۆتنا بهرههمان و دهستنیشانكرنا نرخهكی گونجاو و باش دابین بكن, دا كو بارگرانیا هلوهشاندنا لێرهیا سووری ل سهر وان كێم بكه و ئالیكاریا وان د دابینكرنا پێدڤیان ده بكن.
ههروها بانگ ل ئەنجوومهنا جڤاكا ناڤدهولهتی دكه كو فشارێ ل سهر رێژیمێ بكن كو پرۆسهیا سیاسی ب كار بینه و چارهیا سیاسی ژ كریزێ ره ببینه, و رێیان ژ پرسگرێگا ههرفاندنا لێره و رهوشا ئابووری ره ببینه.
ههروها بانگ ل نهتهوێن یهكگرتی و رێخستنێن مرۆڤی دكه كو دهستێ خوه ل ههمبهر گهلێ سووریێ درێژ بكن, و پێدڤیێن خوارنێ یێن رۆژانه دابین بكن و ساوێلا برچیبوونه دوور بخینن.
ش.ع
297
