بنپێكرن ل عهفرینێ بهردهوامن
آرك نيوز .. شهر وپهڤچوونهك گران ناڤبهرا گرووپهكه چهكدار و پۆلیسێن لهشكهری ل ناڤهندا باژارێ عهفرینێ روودا وسهدهم ژێ ژبهر كو گلییهك ژ پۆلیسان ره هات كو چهكداران دهست دانینه سهر مالا وهلاتییهكی كورد وناخوةزن رادةست بكن .
رهوانگهها سووری یا ماڤێ مرۆڤان راگهاند كو شهر د ناڤبهرا چهكدارێن ئهحرار الشرقیه و پۆلیسێن لهشكهری ل ناڤهندا باژێر نێزیك ناڤهندا سهرایا دهركهت وئهو شهر پشتی ههولێن پۆلیسێن لهشكهری ژ ڤهگهراندنا مالا وهلاتییهكی كورد كو گلییا خوه پێشكێش كربوو وژبهر كو چهكدارێن الشرقیه رازینهبوون مالا وی وهلاتییێ رادهست بكن شهر روودا و د ئهنجامدا یهك ژ پۆلیسێن لهشكهری بریندار بوو وشهر بهردهوما كر داكو هێزهك ژ ئارتێشا توركیێ خوه گهاند جهێ بوویهرێ وشهر راوهستاند .
تهڤی راگهاندنا ئهنجومهنا ئیسلامی یا سووری ژ قهدهغهكرنا دهستهسهركرنا مال وملكێن وهلاتیان لێ هین بنپێكرن وتالانكرن ودهستهسهركرن بهردهوامه.
روهانگهها سووری یا ماڤێ مرۆڤان د راپۆرتا خوه دا خویاكرن كو كارێ ئیریشێن ب شهڤ ئانگو موداههمات بهردهوامه چ ژ ئالیێ گرووپان ڤه به یان ژ ئالیێ كهسهیاتییان به ههروهها سهپاندانا باجان سهر وهلاتی وبازرگان وچۆتكارانان هین بهردهوامه سهرباری راوهستاندنا ئۆتۆمۆبێلێن كو ژ ناڤهدا باژێر دهردكهڤن وبهرۆڤاژی ئهو ژی ب مهبستا خوهستنا پهریان سهر رێوییان ههروهها گهلهك جاران دیاردهیا خوهستنا پهرهیان بهرامبهری سهربست بهردانا وهلاتییان ژ زیندان هاتیه دهر ئهو ژی ب ناڤێ فدیه تێ ناسكرن .
رهوانگههێ ههروهها د راپۆرتا خوه ل گۆر ژێدهرێن خوه دایه خویاكرن كو گرووپێن چهكدار تۆمهتان ئاراستهی وهلاتییان وهك ئهندامتیا پهیهدێ دكن داكو ب كارێ تالان ودهستهسهركرنێ رابن كو بهریا دهمهكێ ل تاخا مهحموودیێ یا ناڤهندا باژارێ عهفرینێ چهكدارهكی ژ جهیش الشرقیه ب تۆمهتا ئهندامتیا كورێ پیرهكه كورد ل پیرێ دا وئهو ژی پشتی كو پیرا كورد رازینهبووبوو مالا خوه رادهستی وی چهكداری بكه وژبهر ناكۆكییهكه دهڤكی وی چهكداری ل وێ پێرێ دابوو بێ كو ههرمهتا تهمهنا وێ یا مهزن بگره.
د 12تهباخا ده ژی چهكدارنه ژ سولتان موراد كهبلێن ڤهگوههستنا ئهلهكتریكێ نێزیكی دهورا نهرۆز ڤهكرن و ژ خوه دزین داكو بازرگانیێ پێ بكن ودهما كو خهلكێ وێ تاخا ههست ب دزیێ كرن وپرسیار كرن بهرسڤا وان ئهو بوو كو ئهو دزن وئهو دێ ئهلكهتریك دروست بكن وتهڤی دهرباسبوونا دهورییهك ژ بۆلیسێن لهشكهری و روودانا شهرهكه دهڤهكی لێ كارێ دزێ بهرنهدان پشتره زریبۆشهك ئارتێشا توركیێ د وێ دهرێ ره چوو چهكدارێن سولتان موراد نهچار بوون برهڤن وجارهكه دن ڤهگهریان دزیا خوه و ئهو دزی سێ دهمژمێران بهردهوام كر .
د داویا راپۆرتا خوه ده رهوانگهها سووری یا ماڤێ مرۆڤان تهكهز كریه كو خهلك گلیێن خوه ئاراستهی بهرپرسان دكن لێ تو كهس گوهدانێ ناده گلییان كو بهریا دهمهكێ پارچه ڤیدیوك هاتبو بهلاڤكرن تێده گرووپێن چهكدار پهریان بهرامبهر سهربست بهردانه وی وهلاتی دخوازن وتهڤی بیستنا ئالیێن بهرپرس ژ وی مژارێ ره لێ تو رێكارێن گونجاو ژ بۆ سهربست بهردانا وی وهلاتیێ نههاته كرن
ش.ع
653
