ئهمهریكا تهقینا تهرۆرستی لعفرینێ شهرمهزار كر
ارك نيوز .. وهزارهتا دهرڤهیا ئهمریكا تهقینا كو باژارێ عهفرینا رۆژئاڤایێ كوردستانێ ههژان ئیدانه وشهرمهزاركر وتهكهزی ل سهر راوهستانا شهر ل تهڤایا سووریێ كر .
مۆرجان ئۆرتاگۆس بهردهڤكا وهزارهتا دهرڤهیا ئهمریكا راگههاند كو تهقینا كو ل عهفرینێ روودایی كهسێن كو ئامادهكاری بۆ فتارێ دكرن كره ئارمانج.
وهكه ئۆرتاگۆس دایهزانین كو راپۆرتێن دهستپێكی ددنه خویاكرن كو ب دههان كهسێن سڤیل بوونه قوربانی , كو د دناڤ وان ده زارۆك ژی ههنه, وتهكهز كر كو ئهڤ كریارێن تهرۆرستی ژ تو ئالیهكی نایێ قهبوولكرن.
وهزیرێ دهرڤهیێ ئهمریكا دهربارێ تهقینا كو ل عهفرینێ رودایی دلگرانیا خوه نیشاندا , وگۆت ئهڤ ئێریش ژ تو ئالیهكی بهشدار د ململانهیا سووریێ نایێ قهبوولكرن .
مایك پۆمپیۆ وهزیرێ دهرڤهیێ ئهمریكا د توویتهكێ ده نڤیسیه , ئێریشا عهفرینێ ل عهفرینێ هاتی ئهنجامدان , ئێریشه بۆ سهر خهلكێ بێتاوان ده , وئهو ئێریش تهرۆرستیه , و ئهڤ كارێ تهرۆرستی ژ تو ئالیهكی بهشدار د ناكۆكی وململانهیا سووریێ ده نایێ قهبوولكرن .
ههروهها وهزیرێ دهرڤهیێ ئهمریكا گۆت پشتی ڤێ ئێریشا داوی ئهمریكا جارهكه دن داخوازا خوه ژ بۆ راگههاندنا ئاگربهستا سهرتاسهری ل سووریێ تهكهز دكه.
دئهنجاما تهقینا كو دوه باژارێ عهفرینا كوردستانێ ههژاند ب سهدان كهس بوونه قوربانی , ولگۆری كو هاتیه راگههاند بهتر ژ ( 50 ) كهسی شههید كهت , وبهتر ژ (170 ) بریندار بوونه
460
