1200ژ دهربدهرێن عهفرینێ لژێر ناڤێ ملیسێن شیعی وێ د شهرێ ئدلبێ بهشداربن
آرك نيوز .. ب نێزیكبوونا شهری ئدلبێ وئامادهكهریێن ههر یهك ژ رێژیم و ئۆپۆزسیۆنا سووریێ ژ وی شهرێ ره نووچهیا بهشداریا دهربدهرێن كورد یێن د ناڤ كامپێن دهردۆرا حهلهبێ ب نهچاری ژ ئالیێ چهكدارێن یهپهگێ ڤه د وی شهری ده هاتیه بهلاڤكرن.
چالكڤانان ل سهر تۆرا جفاكی راگهاندنه كو هژمارهك مهزن ژ دهربدهرێن عهفرینێ یێن د ناڤ كامپان ده ژ بۆ شهرێ ئدلبێ هاتنه دهستینشانكرن .
كو د4/8/2018 ده (تهباخێ ده) ئانگو بهریا دهه رۆژان ئازاد عوسمان ئهندامێ ئهنجومهنا خوهجهی یا ناڤهندا عهفرینێ د لێدوانهكه تایبهت ژ بۆ ئاركێ ره راگهاندبوو كو بهرپرسێن یهپگێ 1200 ژ كوردێن عهفرینێ ب نهچاری تهڤلی گرووپهك شیعی كرنه و ناسنامه دانه وان داكو ب ناڤێ گرووپێن شیعی شهر بكن.
عوسمان ههروهها د وێ دهمێ ده دابوو دیاركرن كو تێ گوومانكرن كو 1200 كوردێن عهفرینێ د شهرێ ئدلبێ ده بهشدار ببن.
تهڤی ئهو نووچه د وێ دهمێ نه هاتبوو تهكهز كرن لێ ب بهلاڤبوونا راگهاندنا بهشداریا دهربهدهرێن عهفرینێ د شهرێ ئدلبێ هاتیه چهسپاندن كو بهپرسێن پهیهدێ یێن رهڤییانه دخوازن جوانێن كورد د شهرێ باژارێ ئدلبێ یێ عهربی وهك رهققای ومنبج ودێرهزۆرێ وتل رفعت ده بدن شههیدكرن.
ههروهها بهریا چهند رۆژان قهسهدێ هژمارهك ژ چهكدارێن خوه ژ بۆ حهلهبێ شاندبوون كو ئهو ژی ل كۆر چاڤدێران ژبۆ شهرێ ئدلبێ هاتنه شاندن.
ل ئالییهكێ دن چهكدارێن ئۆپۆزسیونا سووریێ 35 ههزار ل ژێر ناڤێ چهكدارێن ئارتێشا نشتیمانی ژ بۆ شهرێ ئدلبێ ئامادهكرنه ههڤدهمێ وێ یهكێ كو تانگ وتۆب زریپۆش وئۆتۆمبێلێن لهشكهری یێن رێژیما سووریێ ل دهردۆرا ئدلبێ جهێ خوه گرتنه.
ش.ع
595
