وه‌زارتا ته‌ندروستیی یا هه‌ریما كوردستانی داخوازا دریژكرنا هه‌یاما قه‌ده‌غه‌یا چون وهاتنی دكه
ارك نيوز .. وه‌زارتا ته‌ندروستیی یا هه‌ریما كوردستانی داخوازا دریژكرنا هه‌یاما قه‌ده‌غه‌یا چون وهاتنی دكه ودبیژه باندۆرا قه‌ده‌غه‌یا چون وهاتنی ژبۆ ریگرتنا ل به‌لاڤبوونا ڤه‌یروسا كۆرۆنا باش بوو .
وه‌زارتا ته‌ندروستیی یا هه‌ریما كوردستانی د داخویانیه‌كی ده راگهاند د رۆین بووری ده وژبه‌ر راوه‌ستاندنا ته‌ڤگه‌ر وچون وهاتنی باندۆره‌كه وی یا باش هه‌بوو بۆ ریگریكرنی ل به‌لاڤبوونا نه‌خوه‌شیا كۆرۆنا.
وه‌زاره‌تا ته‌ندروستیی دڤی ده‌رباری ده سپاسیا وه‌لاتیان , وه‌زاره‌تا ناڤخوه, پاریزگه‌هان ودام و ده‌زگه‌هین ئه‌وله‌هیی دكه... هه‌روه‌ها وه‌زاره‌تا ته‌ندروستیی د داخویانیا خوه ده داخوازا دریژكرنا قه‌ده‌غه‌یا چون وهاتنی و مانا وه‌لاتیان ل مالین خوه دكن .
وه‌زاره‌تا ناڤخوه یا هه‌ریما كوردستانی ژبۆ ریگرتنا ل به‌لاڤبوونا ڤه‌یروسا كۆرۆنا قه‌ده‌غه‌یا چون وهاتنی لناڤا باژاری هه‌ولیری وسلیمانیی ده‌سپیكی بۆ ده‌ما چل وهه‌یشت ده‌مژمیران وپشتره بۆ ده‌ما حه‌فتی و دوو ده‌مژمیران راگهاندبوو كۆ ژ رۆژا شه‌میی ڤه ده‌ستپیكربوو وئیرۆ ده‌مژمیر دووازده نیڤی شه‌ڤی بداوی دبه
230
