حسێن كۆرۆ: 400-500 كوردێن ئیزیدی دناڤا كامپا هۆلێ دە هەنە
ارك نیوز .. بەرپرسێ نڤیسینگەها رزگاركرنا رەڤاندیێن كوردێن ئێزیدی گۆت ئەم گومان دكن كو ب سەدان كوردێن ئێزیدی كو ل سەر دەستێ داعشێ هاتنە گرتن و رەڤاندن دناڤا كەمپا هۆلی دەنە ل رۆژئاڤایێ كوردستانێ.
حسین كۆرو قائێدی، بەرپرسێ نڤیسینگەها رزگاركرنا رەڤاندیێن كوردێن ئێزیدی راگەهاند كو زانیاری ل جەم وان هەنە ژ چارسەد هەتا پێنسەد كوردێن ئێزیدی یێن ل سەر دەستێ داعشێ هاتنە رەڤاندن وگرتن د دەما نهادە ل كامپا هۆلێ ل رۆژئاڤایێ كوردستانێنە.
قائدی داخواز ژ خاچا سۆرا ناڤدەولەتی ویەكیتیا ئۆرۆپا ، وئەمریكا وهەڤپەیمانیا ناڤدەولەتی كر كو ئالیكاریا وان بكن داكو بكاربن كوردێن ئێزیدی یێن د كامپا هۆلێ دەنە رزگار ببن وڤەگەرنە سەر زێدێن خوە .
ل جینوسایدا شنگالێ دە شەش هەزار وچارسەد وحڤدە كوردێن ئێزیدی ل سەر دەستێ داعشێ هاتنە رەڤاندن و وهەتا وەكە نها بهتر ژ سێ هەزار كوردێ ئێزیدی هاتنە رزگاركرن ، وهینا چارەنڤیسا دو هەزار ونەسەد رەڤانی نەخویایە .
275