چارهنڤیسا نبل وزهرایێ وكامپێن دهربدهرێن عهفرینێ
آرك نيوز .. ل گۆر نهرێن ولههڤهاتنێن نوو تێ گۆتن كو ههردوو باژارۆكێن نبل وزهرا یێن شیعی تێكهڤه نهخشهریێن نوو و وهك چاوا خهلك ژ ههردوو باژارۆكێن شیعی فوعا وكفریا ل پارێزگهها ئدلبێ هاتن دهرخستن خهلك ژ وان ههردوو باژارۆكان ژی وهرن دهرخستن.
ل گۆر ژێدهرێن ئۆپۆزسیۆنا سووریێ كو رێژیما سووریێ وحكومهتا رووسیێ ژ خهلكێ باژارۆكێن نبل وزهرایێ خوهستنه ژ مالێن خوه دهركهڤن لێ ئهو یهك ژ ئالیێ شێنیێن وان باژارۆكان هاته رهدكرن ونهرازیبوونا خوه دانه خویاكرن .
مهبستا دهرخستنا خهلكێ ههردوو باژارۆكێن نبل وزهرایێ ژبۆ ڤهكرنا رییهك بازرگانی ناڤبهرا توركیێ و سووریێ ده یه كو هن سیاسهتمهدار ب پلانهك نوو ژ پارچهكرنا سووریێ بناڤ دكن ژ بهر كو ب تهنێ نبل وزهرایێ د پارێزگهها حهلهبێ ده شیعی و ب تایبهت ل باكووری حهلهبێ
ژ ئالیێ خوه ڤه ژێدهرێن خوهجهی راگهاندن كو ئێریشن توند هاتن سهر نبل وزهرایێ ومهترسییهك كهته دلێ دهربدهرێن عهفرینێ وتێ گوومان كرن كو ژ باژارۆكێ الراعی یێ دبن دهستێ توركیێ و چهكدارێن ئۆپۆزسیونێ ده هاتبن ئاڤێتن وتهڤی وێ یهكێ تو ئاگاهی وزانیاریێن زهلال نه هاتن ئهشكهرهكرن .
باژارۆكێ نبل وزهرایێ ههڤسینۆرن ب گوندێن عهفرینێ ژ ئالیێ چیایێ لیلۆن ودهڤهرا شێراوا ڤه و 20 كیلۆمتران ژ حهلهبێ ڤه دووره و ژبهر شهر وپهڤچوونێن عهفرینێ ب دهه ههزاران بهرێ خوه دانه نبل وزهرایێ وباژارێن دهردۆرا وێ وهك تل رفعهت ودێرجمێلێ وههردهم پرسا چارهنڤیسا دهربدهرێن كورد ل وان دهڤهران تێ كرن .
ش.ع
657
