ب هەلكەفتا جەژنا ئەڤینێ گل و ئالەیێن كوردستانێ ژ پێشمەرگەرە هاتن دیاری كرن
ارك نیوز .. ب هەلكەفتا جەژنا ئەڤینێ یا جیهانی كو ب ڤالنتاین تێ ناسكرن جوانەكی رۆژئاڤایێ كوردستانێ ب دەستەپێشخەریەكێ رابۆیە و سەرەدانا پێشمەرگەیێن كوردستانێ ل هەوولێری كر.
ئیرۆ رۆژا ئینێ جوانێ رۆژئاڤایێ كوردستانێ كەمال حسین محمەد كو خەلكێ عاموودا رۆژئاڤایێ كوردستانێ یە وژ نشتەجیێن كامپا قۆشتەپە یا پەنابەرێن رۆژئاڤایێ كوردستانێ یە گولێن سۆر و ئالەیا كوردستانێ ژ پێشمەرگەیێن كوردستانێ رە وەكو حەزكرن وشانازیێ ب رۆلا پێشمەرگە و ئەركێن وان د بەرەڤانی و پاراستنا خاك وگەلێ كوردستانێ دە پێشكێشكر.. و د ڤێ دەستپێشەخەریێ دە دیاریێن خوە ژ لقێ یەك فۆجا سسیان یێ ناڤ هەوولێرێ و فرەقەیا كۆماندۆ پێشكێش كر.
دەربارێ ڤێ گاڤێ پێشمەرگەیەكی كوردستانێ ژ لقێ یەك فۆجا سسیان یێ ناڤ هەوولێرێ خوەست كو سپاسیا ویێ جوانێ بكە و د سپاسیا خوە دە ئاماژە ببراتیا كوردان ل هەرچارپارچەیێن كوردستانێ و پێشمەرگەیێن كوردستانێ و پێشمەرگەیێن رۆژ دكە.
د دەمەكێ دە كو بەشەكی مەزن ل جیهانێ هەلكەفتا جەژنا ئەڤینێ ببیر تینە وهەر كەس وب تایبەت جوان دیاری وگۆلان پێشكێشی هەڤ دكن .،ئەڤە چەند سالن ئێدی ئەڤ دیاردە دناڤ كوردان دە ژی بەلاڤ بوویە ،لێ وەكو كەمال دبێژە كەسێن هەری هێژایی رێزگرتن وحەزكرن وسپاسیێنە لبا گەلی كورد هێزێن پێشمەرگەنە.
670
