هەژمارەك ژ دەربەدەرێن ئدلبێ گهشتن منبجێ
ارك نیوز .. پێلا دەربدەریێ ژ باژارێ ئدلبێ بەردەاومە , ونفشەك دن ژ وان دەربدەران گەهشتنە ناڤچەیێن دبن كۆنترۆلا قەسەدە دە .
ژێدەرێن خوەجهی ژ باژارێ منبجێ راگەهاندن كو ب دەهان ژ مالباتێن دەربدەرێن باژارێ ئدلبێ كو دئەنجاما ئێریشێن رژێما ئەسەد ورۆسیا دە مالێن خوە ب جی هشتنە گەهشتنە باژارێ منبجێ كو دبن كۆنترۆلا هێزێن سووریایا دیموكراتیك دەیە .
وەكە هەمان ژێدەرێ دایە خویاكرن كو نفشێ چاران ژ مالباتێن دەربەدەرێن ئدلبێ ب رێیا دەرگەهێ ئم جلود دە دەرباسی باژارێ منبجێ بوون .
هەمان ژێدەران دانە زانین كو بەریا نها ژی سێ نفشێن دن ژ مالباتێن دەربەدەرێن ئدلبێ یێن كو ژ بەر ئێریشێن رێژیما ئەسەد و روسیا دەرڤیانە ب رێیا دەرگەهێ عون دادات وجرابلسێ دە دەرباسی هەمان باژاری بوونە .
پێش دەمەكێ ژی مەزلوون عەبدێ بەرپرسیارێ گشتی یێ هێزێن سووریا یا دیموكراتیك ئامادەییا هەسەدە نیشاندا بوو كو پێشوازیێ ل دەربدەرێن باژارێ ئدلبێ بكە .
گرێدایی ڤێ مژارێ پشتی كو هەژمارەك مەزن ژ دەربەدەرێن ئدلبێ گهشتنە ناڤچەیێن دبن دەستێ قسدێ دە رێڤەبەریا كۆبانێ یابسەر پە یە دێ ڤە لگەل رێڤەبەریا باژارێ منبجێ بریارا دەست ب ئاڤاكرنا كامپەكێ بۆ دەربەدەرێن ئدلبێ ل باشورێ گوندەوارێ منبجێ دان .
وەكە ناڤەندا راگهاندنی ئەشكەرەكریە كو ئەو كامپا كو بریارە وەرە ئاڤاكرن وێ ب هەزاران دەربەدەر لخوە بگرە و بەرفرەهیا وێ كامپێ ژی نێزی هەزار مترێ چارگۆشەیە وبۆ چار بەشان وێ وەرە دابەشكرن ، و تەڤایا خزمەتگوزاریێن ژیانێ ژی د وێ كامپێ دە وێ وەرە دابینكرن .
ئەڤ پێنگاڤا پە یە دێ و قسدێ ب ئاڤاكرنا كامپەكێ بۆ دەربەدەرێن ئدلبێ د دەمەكێ دە تێ كو ب سەدان هەزار دەربەدەرێن هەردوو باژارێن سەرێ كانیێ و گرێ سپی یێن رۆژئاڤایێ كوردستانێ بێ جی ووار مانە و لباژارێن حەسەكێ و قامشلۆ و ل چەند كامپەكێ دمینن و پ ی د توو كامپان بۆ دەربەدەران ئاڤا ناكە و ئالیكاریان پێشكێشی وان ناكە .
800
