ENKS بریارا ڤەكرنا ئۆفیسێن خوە ل قامشلۆ دا
ئيرؤ 2.2.2020، دەستەیا سەرۆكاتییا ئەنجوومانا نشتیمانییا كوردی ل سووریێ (ENKS) بریار دا جارەكی دن ئۆفیسێن خوە یێ باژاریێ قامشلۆ ڤەكە.
دەستەیا سەرۆكاتییا ئەنەكەسێ د داخویانییەكێ دە راگهاند، كو وەكو هەمی جەماوەرێن شەرفمەندێن كورد و مللەتێ مە دزانن د درێژاهییا چەند سالێن بووری دە، گرتنا ئۆفیسێن ئەنجوومانا نشتیمانیا كوردی وبارگەهێن پارتیێن سیاسی ل سەر دەستێ پارتیا پەیەدێ وچەكدارێن وێ بوو ب هەمی شێوە و شێوازێن تووند وكارێ وێ هاتبوو قەدەغەكرن، تەڤی وێ یەكێ ژی لێ ئەنجوومانێ كار و خەباتا خوە یا سیاسی رانەوستاندنییە ودناڤا جەماوەرێن كورد ل كوردستانا سووریێ دە بەردەوام بوو .
نها ژی ، ل سەر داخواز و بانگا یەكرێزێ ویەكهەلوستییا كوردان وەكو دەستپێشخەریەكە نیاز پاقژیێ ژبۆ یەكهەلوێستییا كوردان جارەكی دن ئۆفیسێن خوە ڤەدكە ،
دەستەیا سەرۆكاتییا ئەنجوومانا نشتیمانیا كوردی ل سووریێ(ENKS) بریار دا ئۆفیس وهەمی باراگەهێن خوە ڤەكە و كارێ خوە بەفەرمی بكە ، ئەوژی ژبۆ ئاڤاكرنا باوەریێ و دووپاتكرنا وێ ل سەر یەكهەلویێستییێ ژبۆ چارسەركرنا هەمی ناكۆكی وپرسێن ناكۆك دناڤبەرا ئالیێن كوردی دە .
قامشلۆ
2.2.2020
قامشلۆ دەستەیا سەرۆكاتییا ئەنجوومانا نشتیمانییا كوردی ل سووریێ (ENKS)
343