تیمێن ئه‌نده‌زیاریێ ل عه‌فرینێ ئۆتۆمبێله‌ك ته‌قاند

تیمێن ئه‌نده‌زیاریێ ل عه‌فرینێ ئۆتۆمبێله‌ك ته‌قاند

Jan 28 2020

آرك نيوز .. دوه 27 چله‌یا 2020، تیمێن ئەنده‌ز‌ياريیێ, ئوتۆمبێله‌كه‌ بۆمبرێژكری ل ناڤه‌ندا عە‌فرینا رۆژئاڤایێ كوردستانێ ته‌قاند.

ژێده‌ره‌كه‌ تایبه‌ت ژ عە‌فرینێ ژ ده‌زگه‌ها ئاركێ ره‌ راگهاند كو, تیمێن ئەنده‌زیاریێ یێن سه‌ر ب حكوومه‌تا توركیێ ڤه‌, ئوتۆمبێله‌كه‌ بۆمبرێژكری ل سه‌ر رێیا جندرێسێ یا ناڤه‌ندا باژێر ته‌قاند.

ده‌ربارێ زیانان ژێده‌رێ بال كشاند سه‌ر كو زیان ب ته‌نێ مادی بوو. ژ ئالیێ خوه ڤه‌‌ راوه‌نگه‌ها سووری یا مافێ مرۆڤان دا زانین كو د ئەنجاما وێ ته‌قینێ ده‌ وه‌لاتییه‌ك بریندار بوویه‌.

د هه‌ر ده‌م و ده‌مه‌كێ ده‌ ته‌قین ل هه‌رێمێن د بن ده‌ست توركیێ و گرووپێن چه‌كدار ده‌, روو ددن, هه‌ری داویێ ل باژارێ عە‌زازێ بوو كو د ئەنجاما وێ ته‌قینێ ده‌ هه‌فت كه‌س ژیانا خوه‌ ژ ده‌ست دان و پازده‌ه كه‌سێن دن ژی بریندار بوون.

ش.ع


242