جێمس جێفری: ناكۆكی ناڤبەرا هێزێن ئەمریكی وهێزێن رۆسی ل رۆژئاڤایێ كوردستانێ بەردەوامن
آرك نيوز... شاندەیێ ئەمریكا یێ تایبەت ژ بۆ سووریێ دبێژە كو هێزێن ئەمریكی رێگری ل جێنێرالەكی رۆسی كر , ونەهشت ئەو دەرباسی باژارێ منبجێ ببە .
جێمس جێفری شاندەیێ ئەمریكا یێ تایبەت ژ بۆ سووریێ راگەهاند كو بهتر ژ سالەكێە و ناكۆكی ناڤبەرا هێزێن ئەمریكی وهێزێن رۆسیا دە یێن ل سووریێ ورۆژئاڤایێ كوردستانێ دمینن هەنە , وئەو ناكۆكی هینا بەردەوامن .
وەكە جێمس جێفری دایەخویاكرن بەریا بهتر ژ سالەكێ جێنێرالەكی رۆسی هەول ددا دەرباسی ناڤا باژارێ منبجێ ببە , لێ ژ بۆ رێگریكرنێ ل دروسبتوونا رووبرووبوونێ هێزێن ئەمریكی نەهشت ئەو جێنێرالێ رۆسی دەرباسی ناڤا باژارێ منبجێ ببە .
شاندەیێ ئەمریكا یێ تایبەت ژ بۆ سووریێ گۆت ب رێڤەبرنا دەوریێن لەشكەری یێن رۆسیا ل رۆژئاڤایێ كوردستانێ بەشەكە ژ رێكەفتنا رۆسیا وقەسەدە دەما توركیا ئێریشی هەردو باژارێ گرێ سپی وسەرێ كانیێ كر , ودئەنجاما وێ رێكەفتنێ دە نها چالاكیێن رۆسیا ل ناڤچەیێن كوردی بهتر بوونە و ب تایبەتی ل دەڤەرێن سینووری ب سەرێ كانیێ وگرێ سپی رە .
ئەڤ گۆتنا جێمس جێفری د دەمەكێ دە تێ كو د هەیاما كێمتر ژ مەهەكێ چەندین جار دەوریێن لەشكەری یێن رۆسی , ودەوریێن لەشكەری یێ ئەمریكا ل ناڤچەیێن كوردی و بتایبەتی ل دەڤەرێن كو بیرێن پەترۆلێ لێ هەنە رووبرووی هەڤ بوونە .
ژێدەرێن خوەجهی ژ ئاركێ رە راگەهاندن كو ل " رمێلان , گوندێ گرقحفك یێ سەر ریێا گركێ لەگی دێركێ , وگوندێ مصتەفاویە یێ سەر ب گرێ لەگێ ڤە " دەوریێن رۆسی ودەوریێن ئەمریكی سێ جارا رووبرووێ هەڤ بوون , وئاست گەهشتە وێ چەندێ كو كێشە ناڤبەرا هەردو دەوریان دە مەزن وشەری ژی دروست بوو , ووەكە هاتیە راگەهاندن كو رۆسیا هەول ددە خوە بگهینە دەرگەهێ سینووری یێ سێمالكا .
جێمس جێفری گۆتژی كو هێلێن سۆر هاتنە دانین , وئەركە ل سەر تەڤایا ئالیان پابەند بن , وهێلێن سۆر دەرباس نەكن .
577
