74مین سالڤهگهرا راگهاندنا كۆمارا كوردستانێ
آرك نيوز .. ئیرۆ 22 چلهیا 2020، 74 سال ل سهر دامهزراندنا یهكهمین كۆمارا كوردی دهرباس دبن، كو ئهو ب كۆمارا كوردستان ل مههابادێ هاته ناسكرن.
د رۆژهكه وهكه ئیرۆ ده د 22 چلهیا سالا 1946ان یهكهمین كۆمارا كوردی ل سهر ئاستا دیرۆكا كوردی ل رۆژههلاتێ كوردستانێ كو ژ ئالیێ سهرۆكێ كۆمارێ قادی محمد و وهزیرێ بهرهڤانییا كۆمارێ نهمر ملا مصتهفی بارزانی ڤه هاته راگهاندن.
كۆمارا مهاباد د قادا چارچرا ل پایتهختا كۆمارێ ل باژارێ مهاباد یێ رۆژهلاتێ كوردستانێ هاته راگهاندن ، لێ ب تهنێ 11 ههیڤان بهردهوام كر و داگیركهرێن كوردستانێ ئهو كۆمار ههولوهشاند ورووخاند ، ب لدارڤهكرنا سهرۆكێ كۆمارا قادی محمد د 30 ئادارا 1947 ان ل ههمان قادا كو هاتیه راگهاندن هاته تهرۆركرن وب وێ یهكێ كۆمارا مهاباد ب داوی هات.
ل گۆر ژێدهران دبێژن كو دامزراندنا كۆمارا مهاباد د ئهنجاما ناكۆكیێن ناڤبهرا ئیران و یهكیتیا سوفییهت و ویلایاتێن ئهمهركی هاته راگهاندن ، تهڤی كو ئیران راگهاندبوو كو ئهو بهشداری د شهرێ جیهانی یا دوویهم ده ناكه ، لێ هێزێن یهكیتیا سوفییهت كهت ناڤ خاكا ئیرانێ ده ، وبهانهیا سهرۆكێ یهكیتیا سوفییهت جوزیف ستالین ئهو بوو ، كو شاهێ ئیرانێ ردا بهلوی پشتگریا هتلر دكه ، د ئهنجاما وێ دهستێوهدانێ ده ردا بهلوی بهرێ خوه دا وهلاتێن سوركونیێ ، پشتره كورێ وی ل شوونا ردا بهلوی ده هاته بجهكرن.
ههر چوو ئارتێشا یهكیتیا سۆفییهت دهست خوه دانی سهر باكوۆر ئیرانی و هێڤییا ستالین ئهو بوو كو ههژموونا خوه د رییا دامهزراندنا كهیانان ل ئیرانێ بهرفهرهتر بكه.
ژێدهرێن دیرۆكی ههروهها سهربار و تهكهز دكن كو ، د وێ دهمێ ده كوردان ئهو دهرفهرت ژ خوه ره بكارئانی ههردوو نهمهران قادی محمد و ملا مصتفی بارزانی كۆمارا مهاباد د 22 مهها یهكێ 1946 ان ده راگهاندن.
لێ ژبهر فشارێن كو شاهێ ئیرانێ ل سهر ویلایهتێن ئهمریكێ كریه وئهمریكا ب رۆلا خوه فشار ل یهكیتیا سۆفییهت كر د ئهنجام ده ئارتێشا سوفییهت ژ ناڤ خاكا ئیرانێ ڤهكشیه.
پشتی 11 ههیڤان ژ دامزراندنا كۆمارا مهاباد حكومهتا رێژیما ئیرانێ كۆمار ههلوهشاند و قادی محمد ل قادا چار چار د 30 ئادارا 1947 ان لدارڤهكر وهێزێن پێشمهرگه ب سهرۆكاتییا بارزانیێ نهمر بهرڤ ههرێما كوردستانێ ڤه ڤهكشیان وخوهنا كوران د وێ كۆمارێ ده هاتن چلمساندن وشكاندن.
د ههر سالهكێ ژ رۆژا 22 مهها چله كوردێن چار پارچێن كوردستانێ وێ رۆژا پیرۆژ ب بیر تینن ، رۆژا كو تێده كۆمارا ب روومهت هاتیه راگهاندن، وههموونڤش ب شانازییهكه پر مهزن ب وێ رۆژێ سهربلندن ، ههردهم هێڤییا كوردان ئهو ه كو كۆمارهك وهها وهره راگهاندن تێده كورد خوه بگهینن مهرهم وئارمانجێن خوه د وهلاتهكی سهربخوه ل ژێر ناڤێ كورستانا مهزن ده بسهربستی وئازادی وب دهستخستنا ماڤێن خوه ده بژین.
ش.ع
283