ناڤێ كوردهكی دن یێن دبن ئهشكهنجهیێ ده هاتنه تهرۆركرن هاته دیاركرن
آرك نيوز .. پشتی كو دهستههلاتداریا ئهولههییا رێژیما سووریێ لیستهیهك ژ سڤیلێن كو د بن ئهشكهنجهیێ د زیندانێن رێژیمێ ده ژیانا خوه ژ دهست دانه رادهستی ناڤهندێن ناسنامه ورهگزنامهیان كر ناڤهكی دن ژ كوردێن رۆژئاڤایێ كوردستانێ د ناڤ لیستهیان ده هاته ئهشكهرهكرن .
دوه سێشهمێ 7/8/2018 چالكڤانان ناڤێ كوردهكی عهفرینێ كو ژسالا 2012ان ڤه ژ ئالیێ رێژیما سووریێ ڤه هاتبوو بنچاڤ كرن و دبن ئهشكهنجهیێ ده ژیانا خوه ژدهست دایه ئهشكهرهكر.
جهمال عهلی ئهبوو رێناس ژ كو د سالا 2012 ان ڤه هاتیه بنچاڤكرن و ل گۆر لیستهیا داویێ كو د 26/7/2013 ان ژیانا خوه ژ دهست دایه وپشتی پێنچ سالان هاته خویاكرن كو ناڤێ وی د ناڤه شههیدان ده یه .
ل گۆر ئاگاهییێن ئاركێ كو جهمال عهلی یهك ژ كهسێن ژ دهسپێكا شۆرهشا سووریێ تهڤلی شۆرهشێ ببوو و ود ناڤ ههڤرێزكاریێن دژی رێژیمێ ده خوه دتیت ههروهها كارێ هاوهرچوونێ ومرۆڤی ژی دكرویهك ژ ئهندامێن پارتیا الوهحدێ بوو .
جهمال عهلی د سالا 2004 ان ده ژ بهر بهشداربوونێ د راپهرینا 2004ان ژ ئالیێ ههمان رێژیمێ ڤه هاته بنچاڤ كرن وراستی لێدان وئهشكهنجهیا توند هات ویهك ژ كهسایهتیێن ناڤداره ونشتیمان پهروهر ووهلات پارێز ل تاخێن شاما پایهتهخت وبتایبهت تاخا زۆرئاڤا ده دهات ناسكرن وژبهر ههست ونهست وی یێن نهتهوی ههردهم راستی ئاستهنگی وپرسگرێكان ژ ئالیێ رێژیمێ ڤه دهات .
د 4/8 ژی مالباتا شههید حهكهم حكمهت سلێمان ژ باژارێ قامشلۆ تهرمێ گورێ خوه یێ كو دبن ئهشكهنجهیێ ده وهرگرتبوون كو بهریا ههیڤهكێ ب مهبستا یهدهكا لهشكهریا نهچار هاتبوو بنچاڤ كرن وژ بهر لێدانا ب هێژ هاتبوو شههید كرن .
بهریا نها ژی ژێدهرێن ئۆپۆزسیۆنا سووریێ ناڤێ 8000 ههزار سڤیلێن سووریێ یێن د بن ئهشكهنجهیێ ده هاتنه تهرۆركرن بهلاڤكرن كو ژ وان ژن وزارۆك ژی ههبوون وتا نها دوو وهلاتیێن كورد یهك ژ قامشلۆ ویهك ژ عهفرینێ هاتنه ئهشكهرهكرن .
ش.ع
722
