دەرگەهەك سینۆری ناڤبەرا رێژیم و قسدێ دە وێ وەرە ڤەكرن
ارك نیوز .. مەدیایێن روسی بەلاڤكرن كو ئەمەریكا و روسیا گهشتنە رێكەفەتنێ دەربارێ ڤەكرنا دەرگەهەكی سینۆری ناڤبەرا دەڤەرێن رێژیما ئەسەد و قسدێ دە لباژارێ دێرا زۆرێ .
هەر لگۆری هەمان ژێدەران دانە خویاكرن كو دۆه بەپرسێن روسی لگەل هەژمارەك بەرپرسێن ئەمەریكی لسەر ڤەكرنا دەرگەهێ باژارۆكێ السالحیە یێ بەژایی دناڤبەرا دەڤەرێن دبن كونترۆلا رێژیمێ ویێن دبن كونترۆلا قسدێ دە ل باشورێ رۆژهەلاتێ دێرا زۆری رێكەفتن پشتی گرتنا وی دەرگەهی بۆ دەما چەند مەهان ژ ئالیێ ئەمەریكا ڤە .
هەر دڤێ چارچۆڤەیێ دە سێرگی جمۆرین سەرۆكێ ناڤەندا روسی یا لهەڤهاتنێ ئاماژە كر كو ب دەهان سڤیل ژ باژارێ دێرا زۆرێ مالێن خوە بجه هشتنە و دەربەدەری باژارێن دن بوونە و نها دخوازن ڤەگەرێن سەر مالێن خوە و گۆت بڤەكرنا ڤی دەرگەهی مرۆڤی ژ ئالیی روسیا و ئەمەریكایی ڤە پشتی كو بۆ دەما چەند مەهان هاتبو گرتن ئیدی برسگرێكا ڤەگەرا دەربەدەرین دێرا زۆرێ بۆ باژارێ خوە وێ چارەسەر ببە و وێ خەلكێن دەڤەرێ جاردن وێ ڤەگەرێن ژیانا خوە یا نۆرمال لگۆری نەرینا وی .
ژ ئالیێ خوەڤە ژی ژێدەرێن خوەجەهی راگهاندن كو ئەڤ دەرگەهێ سینۆری یێ كو وێ وەرە ڤەكرن دكەڤە ناڤبەرا فلكێ السبعە كیلۆ متر یێ دین كونترۆلا رێژیمێ و باژارۆكێ السالحیە یێ دبن دەستی قسدێ دە .
ژ نیڤی تەباخا دووهەزار وهیزدەهان دە رێڤەبەریا دەرگەهێن سینۆری یێ دناڤبەرا دەڤەرێن دبن كونترۆلا رێژیم و قسدێ دە لباژارێ دێرا زۆرێ كەتیە بن كونترۆلا روسیایێ دە كو ژ وێ دەمێ ڤە و تا نها روسیا رێڤەبەریا دەرگەهێن سینۆری دكە .
339
