چهكدارێن یهپهكێ وهلاتییهكی عهفرینێ تهرۆر كر
پشتی ڤهكشانا چهكدارێن یهپهگێ یێن سهر پهیهدێ ڤه ژ عهفرینێ ورادهستكرنا گوند وباژارێ عهفرینێ ژبۆ توركیێ ئیدی دهست بكارێ تهرۆركرنا وهلاتییێن عهفرینێ كرنه ول ژێر ناڤێ قۆناغا دوویهم ژ ئۆپراسیۆنا كو ناڤێ لێ كرنه بهرخودانا سهردهمێ ب كارێ تهرۆركرنا وهلاتییێن كورد رادبن.
دوه5/8/2018 چهكدارێن ڤهشارتی یێن پهكهكێ ئهندامهكی ئهنجومهنا خوهجهی یا ناڤچهیا شهرا یا عهفرینێ تهرۆركر ل گۆر داخویانییهكێ ل سهر مالپهرهكه پهیهدێ هاتیه بهلاڤركرن تێده تهرۆركرنا ئهندامێ ئهنجومهنا شهرا عهكاش حاج ئهحمهد ل گوندێ دێرسوانێ ل خوه گرتنه و پارچه ڤیدیویهك بهلاڤكرنه.
ژێدهرهكه تایبهت ژ ئاركێ ره راگهاند كو بهریا دوو ههفتهیان ئانگۆ ژ ئینا بوری ڤه عهكاش حاج ئهحمهد هاتیه رهڤاندن وتهڤی ئهو ڤیدیۆ هاتیه بهلاڤكرن لێ ناڤبووری هین د ژیانێ ده یه وچارهسهریا خوه یا تهندروستی دبینه.
د داخویانییێ ده هاتیه كو سهدهما تهرۆركرنا ئهحمهد ژبهر كو پهیوهندی ب دهربدهرێن عهفرینێ ره دكر وگهڤ وتههدید ژ وان دكۆت ئهگهر بریارا ڤهگهرێ ژ بۆ عهفرینێ بدن لێ یا راست ئهو كو برپرسێن پهیهدێ رێگریێ ژ ڤهگهرا خهلكێ عهفرینێ ره دروست دكن وب بهانهیا داگیركهریێ ناهێلن دهربدهر ڤهگهرن مال ووارێن خوه .
عهكاش حاج ئهحمد خهلكێ گوندێ دێرسوانێ یێ ناڤچهیا شهرا یه خیزانداره وباڤێ چار زارۆكانه وههلگرێ باوهرنامهیا پهیمانگهها ناڤهندی یا ئهندهزیاریا ئهلكتریك ومیكانیكێ یه وبهریا جهێ خوه د ئهنجومهنا خوهجهی یا ناڤچهیا شهرا ده بگره د شارهداریا دێرسوانێ ده كاردكر .
ب بهلاڤكرنا وێ بارچه ڤیدیۆیێ بهلگهیهكه كو پهیهدێ ب كارێ تهرۆرێ رادبه وچهسپاندنهكه كو ئهو ته خێرێ ژ عهفرینێ ره ناخوهزه.
ش.ع
898
