ئهنهكهسێ ئارمانجكرنا سڤیلان ل ئدلبێ شهرمهزار دكه
آرك نيوز .. ئهمیندارییا گشتی یا ئهنجومهنا نشتیمانی یا كوردی ل سووریێ ئیرۆ رۆژا یهكشهمێ 22 بهرچلهیا 2019ان داخویانییهك دهربارێ ئیدلبێ ده بهلاڤ كر تێده ئارمانجركرنا سڤیلان شهرمهزار كر و بانگا راوهستاندا كۆمكوژییان كر.
داخویانییا ئهنهكهسێ وهها دهست پێكریه: ژ نیسانا بووری ڤه و پارێزگهها ئدلبێ راستی ئێریشێن توند ژ ئالیێ رێژیما سووریێ و ههڤالبهندێن وێ ب ئارمانجا رووبرووبوونا ئهنییا نوصره یا تهرۆری ڤه تێ، لێ د دهما داویێ ده وپشتی داویین گهرا وهلاتێن گهرانتۆر ژ رێكهفتنا كێمكرنا ئاستا شهر ل ئاسیتانهێ، ئیریش توندتر و دژوارتر بوونه وگهشته سڤیلان كو د ئهنجامێ ده هژمارهك مهزن ژ زارۆك و ژن وكال وپیران بوونه قوربانی و بدههێ ههزاران دهربدهربوونه.
ئهنجومهنا نشتیمانی یا كوردی ل سووریێ د داخویانییا خوه ده ئانیه زمان: د دهما ئارمانجكرنا ههرێمێن نشتهجیبوونێ شهرمهزار دكه ههروها چهكدارێن كو سڤیلان وهك مهرتالان بكارتینن، د ههمان دهمێ ده بانگ ل ههموو ئالیێن ناڤنهتهوی وناڤدهولهتی یێن گریدایی ب رهوشێ ڤه دكه كو كۆمكوژییان د دهرماڤێ سڤیلان ل ئدلبێ راوهستینن ههروها دهرفهتێ ڤهكن دا كو ئالیكاریێن مرۆڤی ژ دهربدهر و زیاندیتیێن شهر ره وهرن پێشكێشكرن وكار ل سهر رێكارێن دیتنا چارهیهكه سیاسی وهره كرن تێده وهلاتی ژ كارهسهتا دهربدهری و ێرانیێ وهرن پارستن.
د داوییا داخویانییا خوه ئهمیندارییا گشتی یا ئهنجومهنا نشتیمانی یا كوردی ل سووریێ بانگ ل جڤاكا ناڤدهولتی كریه كو لهزیتێ د دیتنا چارهیهكه سیاسی ژ كریزا سووریێ ل گۆر بریارێن ناڤدهولتی یێ گرێدایی ب رهوشێ ڤه بكه.
ش.ع
451
