چاره‌نڤیسا سه‌ركرده‌یێ په‌ده‌كه‌سێ هاته دیاركرن
آرك نيوز ... ژێده‌ره‌كه تایبه‌ت چاره‌نڤیسا سه‌ركرده‌یه‌كی پارتیا ده‌مۆقراتا كوردستان سورریا یێ كو ژ ئالییێ چه‌كدارێن په‌یه‌دێ ڤه ل عه‌فرینێ هاتبوو ره‌ڤاند ژ ئاركێ ئه‌شكه‌ره‌كر.
وه‌لاتییه‌كی كورد ژ باژارێ قامشلۆ نه‌خوه‌ست ناڤێ وی وه‌ره ئه‌شكه‌ره‌كرن راگهاند كو ئه‌ندامێ كۆمیتا ناڤه‌ندی یا پارتیا ده‌مۆقراتا كوردستان - سووریا عه‌بدالرحمه‌ن ئاپۆ د زیندانا عه‌لایا یا باژارێ قامشلۆ ده‌یه بێ كو تو ئاگاهیێن دن ده‌ربارێ ته‌ندروستیا وی بینه زمان .
ژ ئالیێ خوه ڤه ئه‌ندامێ كۆمیتا ناڤه‌ندی یا پارتیا ده‌مۆقراتا كوردستان سووریا ونوونه‌رێ عه‌فرینێ یێ ئه‌نجومه‌نا نشتیمانی یا كوری ل سووریێ حسێن ئیبش 5/8/2018 ته‌كه‌ز كر كو عبدالرحمه‌ن ئاپو د زیندانێ عه‌لایا ده یه ژ به‌ر كو ب هه‌ڤژینا خوه ره ئاخفیبوو وگۆتبوو كو ئه‌و د زیندانا ناڤبووری یا قامشلۆ ده یه.
عه‌بدالرحمه‌ن ئاپو د 12/7/2017 ژ مالا خوه ل تاخا ئه‌شره‌فیێ یا عه‌فرینێ ژ ئالیێ ئاسایشا په‌یه‌دێ ڤه هاتبوو ره‌ڤاندن وپشتی گرتنێ ب ده‌مه‌كێ هه‌ڤژینا ئاپۆ ژ ئاركێ دابوو دیاركرن كو ئاپۆ ژبۆ زیندانا ره‌ش یا ناڤچه‌یا راجۆ یا عه‌فرینی هاتبوو برن و هه‌یڤا 12 ژ سالا بووری ژبۆ دادوه‌ریا گشتی هاته برن پشتره ژبۆ یا ناڤێ لێ كرنه دادگه‌ها ته‌رۆران یاناڤه‌ندا باژارێ عه‌فرینێ هاته برن داكو ڤه‌كۆلین پێره وه‌ره كرن .
ژ ده‌ما كو گرووپێن چه‌كدار ده‌ستێ خوه دانینه سه‌ر ناڤچه‌یا راجۆ وب تایبه‌ت زیندانا ره‌ش د 8/3 ده ئه‌و زیندان ژ گرتییان و په‌لك وبه‌لگه‌یان هاتبوو ڤالاكرن ل كۆر هن سیاسه‌تمه‌داران كو ده‌ما په‌یه‌دێ ژ عه‌فرینێ ره‌ڤیایه د 18/3/2018 گرتی و دناڤ وان عه‌بددالرحمه‌ن ئاپۆ ب خوه ره بربوون ده‌ڤه‌رێن ده‌ردۆرا حه‌له‌بێ كو ناڤ لێ كرن ده‌ڤه‌رێن شه‌هبایێ .
بده‌هان ژ گرتیێن باژارێ عه‌فرینێ ژ ئه‌ندام وئالیگرێن پارتیا ده‌مۆقراتا كوردستان سووریا و ئه‌نجومه‌نا نشتیمانی یا كوردی ل سووریێ و جالكڤانان ل جه‌م په‌یه‌دێ بێ چاره‌نڤیسن نه‌خاسم ئدریس عه‌لۆ وئه‌حمه‌د سیدۆ و توئاگاهی ل سه‌ر وان تونه‌نه ئه‌گه‌ر هاتبن رادستكرن ژبۆ رێژیمێ یان ژ بۆ زیندانێن قامشلۆ وكوبانێ هاتبن ڤه‌گوهه‌ستن .
ش.ع
915
