ترامپ ل پێشیا ئەنجوومەنێ پیرێن ئەمریكا وێ وەرە دادگەهكرن

آرك نيوز...كۆنگرێسێ ئەمریكی دو تۆمەت ئاراستەی دۆنالد ترامپ سەرۆكێ ئەمریكا كرن , وب بهترا دەنگێ ئەندامێ كۆنگرێسێ ئەمریكا , دۆنالد ترامپ وێ ل پێشیا ئەنجوومەنێ پیرێن ئەمریكا وێ وەرە دادگەهكرن .

شەڤا بووری كۆنگرێسێ ئەمریكا هەردو تۆمەتێن بكارئانینا دەستهلاتێ ژ بۆ بەرژەوەندیا خوە , ودروستكرنا كۆسپ وئاستەنگیان ل پێشیا كارێ كۆنگرێسێ ئەمریكا ئاراستەی دۆنالد ترامپ سەرۆكێ ئەمریكا كر .

د روونشتنا كۆنگرێس دە پرۆسەیا دەنگدانێ ژ بۆ سەپاندنا تۆمەتان ب سەر ترامپ دە ب رێڤەچوو , وب دەنگێ 230 ئەندامێ كۆنگرێس , تۆمەتا ب كارئانینا دەستهلاتێ ژ بۆ بەرژەوەندیا خوە ب سەر دۆنالد ترامپ دە هاتە سەپاندن , وهەروەها ب دەنگێ 229 ئەندامێ كۆنگرێس تۆمەتا دروستكرنا كۆسپ وئاستەنگیان ل پێشیا كارێ كۆنگرێس ب سەر ترامپ دە هاتە سەپاندن , وبریار هاتە دان كو دۆنالد ترامپ سەرۆكێ ئەمریكا ل پێشیا ئەنجوومەنێ پیرێن ئەمریكا وەرە دادگەهكرن .

پشتی كو كۆنگرێس تۆمەت ب سەر دۆنالد ترامپ دە سەپاندن , دۆنالد ترامپ راگەهاند كو دژبەرێن وی یێن دیموكراتی هەول ددن دەنگێ ب دەهان مەلیۆن وەلاتیێن ئەمریكا كو د سالا 2016 ان دە بریار دانە كو ترامپ ببە سەرۆكێ ئەمریكا بێ واتە وبێ نەرخ بكن .

ل گۆری بریارا ئەنجوومەێ نوونەرێن ئەمریكا دۆسەیا دادگەهكرنا دۆنالد ترامپ سەرۆكی ئەمریكا بۆ ئەنجوومەنێ پیرێن ئەمریكا هاتە ڤەگوهاستن , وئەگەر هەیە د مەها كانوونا پێشین یا سالا 2020 ان دە ترامپ وەرە دادگەهكرن .

وكۆشكا سپی د ڤێ دەربارێ دە راگەهاند كو باوەریا وان ب ئەنجوومەنێ پیرێن ئەمریكا هەیە كو وێ ترامپ ژ ڤان تۆمەتان بێ تاوان بكە.

د دیرۆكا ئەمریكا دو سەرۆكێن ئەمریكا ل ئەنجوومەنێ پیرێن ئەمریكا هاتنە دادگەكرن , كو ئەوژی ئاندرۆن جۆنسۆن د سالا 1868 ان دە , وبێل كلینتۆن د سالا 1998 ان دە , وهەردو سەرۆك ژی ل ئەنجوومەنێ پیرێن ئەمریكا بێ تاوان دەكەتن .

578