شەپێلا ئازادی یا كوردستانێ بەرسڤا بانگا پەیەدە بۆ ئەنەكەسە ددە

آرك نيوز...شەپێلا ئازادی یا كوردستانێ بەرسڤا داخویانیا پەیەدە دە دا كو ژ بۆ نەهشتنا ئاستەنگی وكێشەیان ل پێشیا كارێ كەسایەتی وسەركردەیێن ئەنەكەسە شاندبوو وگۆت كو ئەو ب ئەرێنی سەیری ڤێ بانگا پەیەدە دكن .

شەپێلا ئازادی یا كوردستانی د داخویانیەكێ دە راگەهاند كو یەكەم جارە پەیەدە بەرێ خوە ددە ریێا راست , ویەكەم جارە پەیەدە د بانگا خوەدە ژ رەتكرنا راستیان دووركەتیە , ژ بەر پەیەدە د بانگا خوەدە ب ئەشكەرە بەحسا دۆسەیا گرتیان ب گشتی كریە .

هەروەها د داخویانیا شەپێلا ئازادی یا كوردستانێ دە هاتیە كو ئەو تەكەز دكن كو پێنگاڤا پەیەدە پێنگاڤەكە راستە , لێ هینا گەلەك كێمایی تێدە هەنە , وئەو پشتەڤانیا پێكئانینا كۆمیتەیەكە پسپۆر ژ بۆ شۆپاندنا راستیان دكە داكو چارەنڤیسا تەڤایا گرتیان وبنچاڤكریان بدە خویاكرن , ود ناڤ واندە چارەنڤیسا هەر هەشت ئەڤسەرێن كورد , ونە ب تەنێ چارەنڤیسا گرتیێن كو لیستەیا ئەنەكەسە پێشكێشكریە .

شەپێلا ئازادی یا كوردستانێ گۆت كو ژ بۆ بەلگەكرنا بنپێكرنێن كو دەرحەقێ گرتیان وبنچاڤكریان دە هاتنە ئەنجامدان , پێویستە كۆمیتەیەكە سەربخوە وەرە ئاڤاكرن , وژ دەستهلاتا كۆمیتەیێ بە تاوانباران سزا بدە .

شەپێلا ئازادی یا كوردستانێ د داخویانیا خوەدە گۆت كو پێویستە پەیەدە ژ رژێما ئەسەد دوور بكەڤە , وقەسەدە تەڤلی رێزێن چەكدارێن رژێما ئەسەد نەبە , وكەش وهەوایەكە گونجاو ژ بۆ ئەنجامدانا هلبژارتنێن دادپەروەرانە ب سەرپەرشتیا نەتەوێن یەكگرتی دابین بكە , ورێڤەبەریەكە نوو وەرە ئاڤاكرن وئەو رێڤەبەری هێزەكە نشتیمانی ئاڤا بكە , ونابە هێزێن چەكدار سەر ب تو پارتیەكێ ڤە بن .

د داخویانیا خوەدە شەپێلا ئازادی یا كوردستانێ گۆت ئەو هێڤی دكن كو ئەڤ بانگا پەیەدە نە ژ دەرئەنجاما فشاران بە ل سەر پەیەدە , وپەیەدە ب قەناعەت ئەڤ بانگ كربە ژ بەر ئەگەر پەیەدە نە ب قەناعەت ئەڤ بانگ كربە , پەیەدە وێ ڤەگەرە سیاسەتا خوە یا تاك ئالی , وپێویستە كار دبن سێبەرا ئینسیاتیڤا فەرەنسی دە بەردەوام بە

629