یهپهگێ ئامادهیه سوێدا رزگار بكه
چهكدارێن یهكینهێن پارهستنا گهل یهپهگێ پشتی ئامادهبوونا خوه ژبۆ رزگاركرنا پارێزگهها ئدلبێ دانه خویاگرن ڤێ جارێ ئامادهبوونا خوه ژبۆ چوونا پارێزگهها سۆیداێ یێ ل باشووری سووریێ ورزگاركرنا وێ پارێزگههێ ژ رێخستنا داعشێ یا تهرۆری ئهشكهرهكرن .
د داخویانییهكێ ده چهكدارێن یهپهگێ دوه شهمیێ 4/8/2018 راگهاند كو ژ بهر ئێریشێن تهرۆری یا داعشێ یا د 25 تیرمههێ ده 250 كهس ژ خهلكێ سوێدا ژیانا خوه ژ دهست دان وئهو وهك هێزێن بهرڤانیێ ئامادهنه شهرێ رێخستنا داعشێ ل ههر دهرهكێ بكن .
د داخویانییا یهپهگێ ده ههروهها هاتیه ئهو ب پارهستنا گهلێ سووریێ پابهندن كو گهلێ درزیان ژ وان وئهوگهر ژ وان هاته خوهستن ئهوێ ب پارستنا گهلان ل ههر جههكی بكن كو ئهوئێریش وهك ئێریشێن هاتن سهر جزێرێ وكۆبانێ گرینگن
ژ ئالیێ خوه ڤه بهرپرسێ گشتی یێ چهكدارێن یهپهگێ سیپان حهمۆ ژ مالپهرا شهرق ئهوسهت ره تهكهز كر هێزێن وی ژ بۆ پارستنا گهلێ دورزیان ژ رێخستنا داعش یا تهرۆری ئامادهیه كو بهرێ خوه بدن پارێزگهها سۆیدا ژبۆ گوندهوارێ وێ پارێزگههێ یا رۆژههلات ژ رێخستنێ رزگاربكه.
بهریا نها ههردوو سهركردهیێن پهیهدێ سالح موسلم و ئالدار خهلیل ئامادهبوونا خوه ژ بۆ چوونا هێزێن خوه ژ پارێزگهها ئدلبێ ره دابوون خویاكرن كو ژ دهسپێكا دهسههلاتداریا پهیهدێ ورێڤهریا وێ ژ دهڤهرێن كوردی ره ب ههزاران ژ جوانێن كورد د شهرێ باژارێن عهربی ده وهك رهققاێ دێرهزۆرێ منبج تل رفعهت ده دانه شههیدكرن وپشتره ب ئاشتی وسهلامهتی وان دهڤهران رادهستی رێژیمێ ئهسهد دكن .
621
