جوانهكی كورد دبن ئهشكهنجهیێ ده دزیندانا رێژیما سووریێ ده هاته تهرۆركرن
دهستههلاتداریا ئهولههییا رێژیما سووریێ لیستهیهك ژ سڤیلێن كو د بن ئهشكهنجهیێ د زیندانێن رێژیمێ ده ده ژیانا خوه ژ دهست دانه رادهستی ناڤهندێن ناسنامه ورهگزنامهیان كر .
هژمارهك ژ وان ناڤان هاتن ناڤهندێن ههردوو باژارێن رۆژئاڤای كوردستانێ حهسهكێ و قامشلۆ كو دناڤ وان ده ناڤێ جوانهكی كورد بهریا دهمكی هاتبوو بنچاڤ كرن ههبوو .
مالپهرا ئهنجومهنا نشتیمانی یا كورد ل سووریێ و پارتیا دهمۆقراتا كوردستان سووریا بهلاڤكرن كو جوانێ ب ناڤێ حهكهم حكمهت سلێمان د ناڤ لیستهیا كو گهشتیه ناڤهندا ناسنامهیا قامشلۆ ده ههیه ودبن ئهشكهنجهیێ ده د زیندانا رێژیما سووریێ ده هاتیه تهرۆركرن وشههید بوویه .
ل گۆر ههردوو مالپهران كو بهریا ههیڤهكێ حهكهم حكمهت سلێمان ژ ئالیێ رێژیما سووریێ ڤه ژ بۆ یهدهكا لهشكهریا نهچار هاتبوو بنچاڤ كرن ود رۆژا شهمیێ 4/7/2018 ئهولههییا رێژیما سووریێ تهرمێ وی رادهستی كهسوكارێن شههید كر .
ههمان مالپهرێن ناڤبووری تهكهزكرنه كو حهكهم حكمهت سلێمان دهما چارهسهریا خوه یا تهندروستی ل نهخوشخانهیا نشتیمانی یا باژارێ قامشلۆ دتیت ژ ئالیێ چهكدارێن رێژیما سووریێ ڤه هاته بنچاڤ كرن .
حهكهم حكمهت سلێمان خهلكێ گوندێ شهرمووخ یێ سهر بقامشلۆ ڤه یه وخێزانداره وباڤێ دوو زارۆكان.
بهریا نها ژی ژێدهرێن ئۆپۆزسیۆنا سووریێ ناڤێ 8000 ههزار سڤیلێن سووریێ یێن د بن ئهشكهنجهیێ ده هاتنه تهرۆركرن بهلاڤكرن كو ژ وان ژن وزارۆك ژی ههبوون وتهڤێ وێ یهكێ هین چارهنڤیسا ب ههزاران ژ وهلاتیێن سووریێ نه دیاره
ش.ع
653