ژێدەرەكی كوردی: قەسەدە وێ تەڤایا ناڤچەیێن كوردی رادەستی رژێما ئەسەد بكە

ژێدەرەكی كوردی: قەسەدە وێ تەڤایا ناڤچەیێن كوردی رادەستی رژێما ئەسەد بكە

Dec 05 2019

آرك نيوز...ژێدەرەكی ئاگەهدار كو نەخوەستیە ناڤێ خوە ئەشكەرە بكە ئەشكەرەكر كو قەسەدە وێ تەڤایا ناڤچەیێن كوردی ل رۆژئاڤایێ كوردستانێ رادەستی رژێما ئەسەد بكە ورۆسیا وێ سەرپەرشتیا رادەستكرنێ بكە .

باس نیوز ل سەر زارێ ژێدەرەكی بەلاڤكر كو پشتی رێكەفتنی ل سەر رادەستكرنا باژارێن عێن عیسا , تل تمر وعامودێ بۆ رژێما ئەسەد هاتە كرن , وچەكدارێن رژێما ئەسەد ل وان ناڤچەیان بەلاڤبوون , د دەمەكە نێزیك دە چەكدارێن رژێما ئەسەد وێ ل تەڤایا ناڤچەیێن كوردی ل رۆژئاڤایێ كوردستانێ بەلاڤ ببن , ورۆسیا وێ سەرپەرشتیا بەلاڤبوونا چەكدارێن رژێما ئەسەد ورادەستكرنا ناڤچەیێن كوردی بكە.

هەر دوه هێزێن رۆسی ژمارەیەك گەلەك ژ پۆلیسێن خوە یێن لەشكەری ل باژارێ عاموودێ بجیكرن وگۆت كو مەبەست ژ بجی بوونێ چاڤدێریكرنا بەلاڤبوونا چەكدارێن رژێما ئەسەدە ل ناڤچەیێن سینووری ناڤبەرا رۆژئاڤایێ كوردستانێ وتوركیا دە .

هەروەها ئارمانج ژ بەلاڤبوونێ ڤەكشانا هێزێن قەسەدەیە بۆ كووراهیا سی كیلۆ متری , وپاراستنا گەلێ كوردە ژ ئێریشێن توركیا

هەر د ڤێ دەربارێ دە عبدالله گەدۆ ئەندامێ كۆمیتەیا سیاسیا پارتیا یەكیتیا كوردستانی سوریا راگەهاند كو سیاسەتا پەیەدە نە ساسكارە , وهەتا بەریا دەستپێكرنا شۆرەشا سووریێ دژبەریا رژێما سووریێ دكر ,لێ پشتی دەستپێكرنا شۆرەشێ پەیەدە وباسكێن خوە بوونە هەڤپەیمانێن رژێما ئەسەد ودژبەریا ئۆپۆزسیۆنا سووریێ كرن .

هەروەها پەیەدە هەڤپەیمانی ل گەل ئالیێن كوردی ل كوردستانا سووریێ رەتكر , ورژێما ئەسەد ناڤچەیێن كوردی رادەستی پەیەدە باسكێ پەكەكە كر , ود دەما نهادە پەیەدە پەیەدە ناڤچەیێن كوردی رادەستی رژێما ئەسەد دكە ئەوژی پشتی كو كارەسات ب سەر رۆژئاڤایێ كوردستانێ دە ئانین .


318