هیومن رایتس وتش: ناڤچەیا ئارام ل رۆژهلاتێ چەمێ فەراتێ نە ئارامە

آرك نيوز...رێخستنا هیومن رایتس ووتش دبێژە كو ئەو ناڤچەیا ئارام یاكو توركیا ئاڤاكریە نە ئارامە , وب دەهان حالەتێن ب دارڤەكرن وبنپێكرنان هاتنە ئەنجامدان .

سارا لیا ویتسۆن رێڤەبەرا بەشێ رۆژهلاتا ناڤین یا رێخستنا هیۆمن رایتس ووتش راگەهاند كو توركیا وچەكدارێن ب سەرڤە ب دەهان بنپێكرنێن نەمرۆڤی ل رۆژهلاتێ چەمێ فەراتێ ئەنجامدانە , وژ وان بنپێكرنان بدارڤەكرن , , دزی , تالانكرن وكوشتنێ .

هەروەها رێخستنا ناڤبووری گۆت كو توركیا وچەكدارێن ب سەرڤە رێگریێ ل ڤەگەرا خەلكێ رەسەنێ ناڤچەیێ دكە , وئەڤ ب خوەژی وێ چەندێ ددە خویاكرن كو ئەو ناڤچە نەئارامە وئارمانجێن توركیا ل ناڤچەیێ بەروڤاژیێ گۆتنا ئارامن .

هەروەها رێخستنا هیۆمن رایتس ووتش دازانین كو توركیا دخوازە ل ناڤچەیا یا كو توركیا ناڤ لێ دكە ئارام وبخوە نەئارامە ب مەلیۆنێن پەنابەرێن سووریێ یێن كو ل توركیا دمینن ب جی بكە .

رێخستنا هیۆمن رایتس ووتش بانگ ل نەتەوێن یەكگرتی وجڤاكا ناڤدەولەتی ووەلاتێن كو دەستێوەردانێ د سووریێ دە دكن كر , ڤەكۆلینان دەربارێ بنپێكرن وتاوانێن جەنگی یێن توركیا وچەكدارێن ب سەرڤە كو ل سەرێ كانیێ وگرێ سپی ئەنجام ددن ڤەكە.

ژ دەما كو توركیا ئێریشا خوە د نەهی َمەها بووری دە بۆ سەر هەردو باژارێن سەرێ كانیێ وگرێ سپی دەستپێكر , هەردو باژار وگوندەوارێن وان ژ خەلكێ خوە یێ رەسەن ڤالەبوون , وچەكدارێن سەر ب توركیاڤە دەست ب كوشتن , ب دارڤەكرن , تەرۆركرن , ودزی وتالانكرنا مال وملكێن وەلاتیان كرن , بێ كو ئەو چەكدار وەرنە سزادان ژ بەر هەمان ئەزموونا عەفرینێ ل هەردو باژاران دوبارە دكن .

438