ئه‌نجومه‌نا خوه‌جهی یا عه‌فرینێ جاره‌كه دن ڤه‌گه‌ریا كارێ خوه
پشتی راوستاندنا ئه‌نجومه‌نا خوه‌جهی یا ناڤه‌ندا عه‌فرینێ ژ كارێ خوه ره وجیبجیكرنا ئالیێن برپرسیار ژ مه‌رجێن وێ ره جاره‌كه دن ئه‌نجومه‌ن ڤه‌گه‌ریا سه‌ر كارێ خوه .
ژێده‌ركه تایبه‌ت ژ ناڤه باژارێ عه‌فرینێ ژ ئاركێ راگهاند رۆژا پێنشه‌مێ2/8/2018 جاره‌كه دن ئه‌ندام وكارمه‌ندێن ئه‌نجومه‌نا خوه‌جهی یا ناڤه‌ند وخوه‌به‌خشێن نڤیسگه‌هێن هاوه‌رچوونێ ڤه‌گه‌ریان سه‌ر كارێ خوه وبه‌رده‌وامی د پێشكێشكرنا خزمه‌تگوزاری وبرێڤه‌برنا كارووبارێن وه‌لاتییان ده كرن كو ئه‌و ڤه‌گه‌ر پشتی رۆژه‌كێ ژ راوه‌ستاندنا كار نه‌خاسم پێكئانین وجیبجیكرنا برپرسێن توركیێ ژ مه‌رجێن ئه‌نجومه‌نێ ژ دوورخستنا چه‌كداران ژ كارێ ئه‌نجومه‌نێ ره هات .
ل گۆر ئاگاهییێن ئاركێ كو مه‌رجێن ئه‌نجومه‌نێ ژ ڤه‌گه‌را كار ره ئه‌ڤبوون ئوده‌یا ئه‌وله‌هیێ ژ ئاڤاهیێ ئه‌نجومه‌نێ وه‌ره راكرن ژبه‌ر كو ئاڤاهییا ئه‌نجومه‌نا شاره‌داریێ یه نه ئه‌نجومه‌نه‌ك له‌شكه‌ری یه دوویه‌م قه‌ده‌غه هاتنا پۆلیسا له‌شكه‌ری ژ ناڤه‌ندێ ره وب ته‌نێ پولیسا سڤیلان ب كارێ خوه د ناڤه‌ندێ ده رابه
هه‌مان ژێده‌رێ دا خویاكرن كو ئه‌ندامێن ئه‌نجومه‌نێ پشتی ده‌رخستنا چه‌كدارێن پۆلیسێن له‌شكه‌ری چه‌كدارێن سێخوریێ وچه‌كدارێن ئه‌وله‌هیێ ژ ناڤه‌ندا ئه‌نجومه‌نێ ڤه‌گه‌ریان سه‌ر كارێ خوه
د 1 مه‌هێ ده ده‌سته‌یا ئه‌ركانا گشتی یا چه‌كدارێن ئارتێشا نشتیمانی یا سه‌ر ب حكومه‌تا سووریا ده‌مكی ڤه داخویانییه‌ك به‌لاڤكربوو تێده قه‌ده‌غه‌یا دیارده‌یا چه‌كان د ناڤ ده‌ڤه‌رێن د بن ده‌ستێ وێ یێن ل باكور ورۆژهه‌لاتێ حه‌له‌بێ هه‌روه‌ها هه‌رێما عه‌فرینێ راگهاندبوو وده‌رخستنا بارگه‌هێن له‌شكه‌ری ژبۆ ده‌رڤه‌ی باژێر ورێڤه‌ریا وان باژاران تێكه‌ڤه ده‌ستێ پولیس وئه‌ولكاریا گشتی ده د داخویانیێ ده هاتبوو لێ تا نها ئه‌و بریارا نه كه‌تیه وارێ جیبجیكرنێ ده .
ش.ع
469
