رۆسیا : تو گەرەنتیەك ژ دەرڤەیێ یەكپارچەیی وسەروەریا سووریێ دە بۆ مافێ كوردان نینە

آرك نيوز...وەزیرێ دەرڤەیێ رۆسیا داخواز ژ قەسەدە كر كو پابەندێ بجیكرنا رێكەفتنا سووچی بن , وهۆشداری دا قەسەدە ئەگەر تو پێنگاڤێن شاش باڤێژە .

سێرجی لاڤرۆڤ وەزیرێ دەرڤەیێ رۆسیا د كۆنگرەیەكی هەڤبەش دە لگەل هەڤشانێ خوە یێ ئایسلاندی راگەهاند كو تو زانیاری ل جەم رۆسیا نینن كو توركیا وێ رێكەفتنا سووچی كو ناڤبەرا رۆسیا وتوركیا دە دەربارێ رۆژهلاتێ چەمێ فەراتێ هاتیە ئمزەكرن بنپێ بكە .

هەروەها وەزیرێ دەرڤەیێ رۆسیا داخواز ژ هێزێن قەسەد كر كو پابەندێ رێكەفتنا سووچی ببن , ژ بەر رۆسیا پەیمان ژ هەردو ئالیان وەرگرتیە كو پابەندێ رێكەفتنێ ببن .

وەزیرێ دەرڤەیێ رۆسیا تەكەز كر وگۆت كو رۆسیا نكارە تو گەرەنتیی ژ مافێ كوردان رە بكە , و ب تەنێ مافێ كوردان وێ د چارچۆڤەیا سەروەری ویەكیتیا خاكا سووریێ دە وێ پاراستی بن , وژ بلێ ڤێ یەكێ تو گەرەنتیەك نینە .

سێرجی لاڤرۆڤ هانا هێزێن هەسەدە دا كو د زووترین دەمدە دانوستاندان ل گەل رژێما سووریێ بكە , ئەوژی بەری كو ئەمریكا بریارا ڤەكشانا یەكجاری ژ سووریێ بدە , ژ بەر وی دەمی هەڤكێش ورەوش وێ ئالۆز بە

رۆسیا كو پشتەڤانیا رژێما ئەسەد دكە , بەردەوام تەكەزیێ ل سەر وێ چەندێ دكە كو پێویستە كورد بەرێ خوە بدن شاما پایتەختا سووریێ , ول گەل رژێما ئەسەد دەست ب گۆتووبێژیان بكە , ژبەر تو گەرەنتیەك ژ مافێن كوردان نینە .

سێرجی لاڤرۆڤ وەزیرێ دەرڤەیێ رۆسیا بەردەوام ئەمریكا ب وێ چەندێ تۆمەتبار دكر كو ئەمریكا دخوازە كەیانەكی كوردی ژ بۆ كوردان ل رۆژهلاتێ چەمێ فەراتێ دروست بكە , ئەوژی د دەمەكێ دە ئەمریكا بریارا ڤەكشانا هێزێن خوە ژ رۆژهلاتێ چەمێ فەراتێ دا , وتوركیا دەست ب ئێریشێ كر وهەردو باژارێن سەرێ كانیێ وگرێ سپی كۆنترۆلكرن , وهەردو باژار ژ كوردان هاتنە ڤالەكرن .

852