توركیێ: ئهمێ ئۆپهراسیۆنا كانیا ئاشتیێ تا بجیكرنا ئارمانجێن خوه بهردهوام بكن
توركیێ راگهاند كو ئهوێ ئۆپهراسیۆنا ناڤ لێ دكه كانیا ئاشتیێ ل رۆژئاڤایێ كوردستانێ تا بجیكرنا ئارمانجێن خوه بهردهوام بكه.
ئهنجومهنا ئهولهكاریا نهتهوهیی یا توركی راگهاند كو ئۆپهراسیۆنا بناڤێ كانیا ئاشتیێ ل باكورێ سووریێ تا بجیكرنا ئارمانجان دێ بهردهوام به.
ئهولهكاریا نهتهوهیی یا توركیێ د داخویانیهكێ ده دبێژه: ئهم جاڤهرێیا ئالیێن رێكهفتنا ناڤچهیا ئارام ل سووریێ دكن كو ههموو تهدابیرێن پاقژكرنا وێ ناڤچهیێ ژ تهرۆریستان د نێزیكترین دهم ده , دناڤ ده ژی منبج و تل رفعت, دكن, وهكه كو ئهو بناڤ دكه.
ئهولهكاریا نهتهوهیی یا توركی ههروهها بانگ لجڤاكا ناڤدهولهتی كر كو پشتهڤانیا ئهنقهرهیێ ژبۆ ڤهگهرا خوهبهخش و ئهولهه یا سووریان بۆ جه و وارێن خوه, بكن.
ئهڤ داخویانی ههڤدهمی برێڤهبرنا دهوریێن رۆسی توركی ل ناڤچهیێن سینۆری یێن رۆژئاڤایێ كوردستانێ ب توركیێ ره تێ, كو تا نها یازده دهوریێن رۆسی توركی هاتنه برێڤهبرن, كو ئهو یهك ژی پشتی رێكهفتنا توركی رۆسی یا بیست و دویێ مهها بۆری تێ ئهنجامدان, و د ههمان دهمێ ده ئارتێشا رێژیما ئهسهد ژی ژ عێندیوهرێ تا دربێسیێ لسهر سینۆر بجه بوویه و مهترسی ژی ههیه كو رێژیم وهكه بهرێ ئانگو بهریا سالا دوههزار و یازدههان بتمامی دهستهلاتا خوه ڤهگهرینه ناڤچهیێن كو نها دبن دهستێ قسد ده مانه.
380
