هێزێن رۆسی ل شوونا هێزێن ئەمریكی ل رۆژهلاتێ چەمێ فەراتێ بەلاڤ دبن
آرك نيوز...فەرماندارەكی ئارتێشا رووسیا ل سووریێ گۆت كو هێزێن رۆسی ل سووریێ د برێڤەبرنا دەوریێن هەڤبەش ل رۆژهلاتێ چەمێ فەراتێ بەردەوامن , ودەوریێن لەشكەری زێدە بوونە.
سفر سفروون یەك ژ فەرماندارێن هێزێن رۆسیا ل سووریێ گۆت پشتی كو هێزێن ئەمریكی ژ ناڤچەیێ ڤەكشیانە , ئەركێ هێزێن رۆسی ل ناڤچەیێ زێدەبوویە , وبەردەوام هێزێن رۆسی دەوریێن لەشكەری ل سەر سینوورێ سووریێ وتوركیا ئەنجام دد .
فەرماندارێ رۆسی گۆت كو نها هێزێن رۆسی ل باژارێ منبجێ بەلاڤبوونە , ول باژارێ منبجێ هێزێن رۆسی پاراستنا تەڤایا تەڤگەرا لەشكەری ویا مرۆڤی دكە , وهەر تەڤگەرەك ل وێ ناڤچەیێ روو بدە دبن چاڤدێریا هێزێن رۆسی دە تێ ئەنجامدان .
هەروەها سفر سفروون گۆتژی كو هێزێن رۆسی ل بنگەها صرین ل باژارێ كووبانێ ژی بەلاڤبوون ئەوژی پشتی ڤەكشانا هێزێن ئەمریكی ژ وێ بنگەها لەشكەری , ودازانین كو مولیدەیەكە ئلكتریكی وهن كەل وپەلێن ئۆفیسان د شوونا هێزێن ئەمریكی دە ل بنگەها صرین مان.
فەرماندارێ رۆسی گۆتژی ژبلی مولیدەیێ ئلكتریكی وكەل وپەلان , بالەفرخانەیا لەشكەری یا بنگەها صرین هینا د كاردەیە , وهێزێن ئاسمانی یێن رۆسی ل بالەفرخانەیێ هاتنە بەلاڤكرن .
رۆژهلاتێ چەمێ فەراتێ جهێ هەژموونا ئەمریكا بوو , وتو رۆلا هێزێن رۆسی ل ناڤچەیێ نەبوو , لێ پشتی كو هێزێن ئەمریكا ژ ناڤچەیێ ڤەكشیان , وئێریشا توركیا بۆ سەر رۆژهلاتێ چەمێ فەراتێ دەستپێكر , رۆسیا وتوركیا ل سووچی رێكەفتنەك دەربارێ راوەستاندنا شەر ورەوشا رۆژهلاتێ چەمێ فەراتێ ئیمزەكرن .
ولگۆری رێكەفتنێ د دەما نهادە رۆسیا رۆلەكە وێ یا سەرەكە د رۆژهلاتێ چەمێ فەراتێ هەیە , وسەرپەرشتیا بجیكرنا رێكەفتنا سووچی ل ناڤچەیێ دكە وبوویە خوەدان رۆلا سەرەكە وبەردەوام دەوریێن هەڤبەش ل سەر سینوورێن سووریا وتوركیا ئەنجام ددە , وسەرپەرشتیا پرۆسەیا ڤەكشانا هێزێن قەسەدە بۆ 32 كیلۆمتران ژ سینوور دكە .
262
