برێكارێ میری ئێزیدیان داخوازێ ژ پەكەكە دكە ژ شنگالێ دەركەڤن

برێكارێ میری ئێزیدیان داخوازێ ژ پەكەكە دكە ژ شنگالێ دەركەڤن

Nov 21 2019

آرك نيوز...برێكار ئانگۆ وەكیلێ میرێ ئیزیدیان بۆ كاروبارێ پەیوەندیان دبێژە ب سەدەما هەبوونا پەكەكە وحەشدا شەعبی نكارن ڤەگەرنە شنگالێ , وب تایبەتی خەلكێن باژارێ خانەسۆرێ وقەزا شنگالێ .

میر جەوهەر عەلی بەگ برێكارێ میرێ ئیزیدیان راگەهاند كو پەكەكە وحەشدا شەعبی رەوشا شنگالێ تێكدانە , ورۆژ ب رۆژ رەوشێ خرابتر دبە, وب تایبەتی رەوشا باژارێ خاەنەسۆرێ وقەزا شنگالێ , ژ بەر بەردەوام ژ ئالیێ بالەفرێن توركیا ڤە تێنە بۆمبەبارانكرن .

میر جەوهەر عەلی بەگ گۆت كو ب سەدەما هەبوونا چەكدارین پەكەكە وحەشدا شەعبی ل شنگالێ خەلك نكارن ڤەگەرنە سەر زێدێن خوە ژ بەر جانێ وان دكەڤە بەر مەترسیێ دە , و د هەیاما مەهەكێ دە بالەفرێن شەر یێن توركیا ب سەدەما هەبوونا چەكدارێن یەپەشە یێن سەر ب پەكەكە شنگال وخانەسۆر بۆمبەبارانكرنە ودئەنجامێ دە كوشتی وبریندار كەتن .

وژئالیێ خوەڤە شێخ شامۆ نوونەرێ ئێزیدیان ل وەزارەتا ئەوقافا هەرێما كوردستانێ د دیدارا ئاشتی وئاساییشا رۆژهلاتا ناڤین دە راگەهاند كو چەكدارێن پەكەكە هەڤشێوەیێ باژارێن رۆژئاڤایێ كوردستانێ تونێل وخەندەكان ل باژارێ شنگالێ دكۆلن , ومەترسیەكە مەزن ل سەر دەڤەرێ دروست كرنە .

میر جەوهەر داخوازا دەرخستنا چەكدارێن پەكەكە ژ شنگالێ كر داكو رەوشا باژارێ شنگالێ ئاسایی ببە , وژئالیێ خوەڤە شێخ شامۆ داخواز ژ حكوومەتا عێراقێ كر كو حەشدا شەعبی وچەكدارێن پەكەكە ژ شنگالێ دەرخینن داكو خەلك بكاربن ڤەگەرنە سەر زێدێن خوە ورەوشا شنگالێ ئاسایی ببە.

قاسم شەشۆ فەرماندارێ پێشمەرگە ل شنگالێ راگەهاندبوو كو بالەفرێن شەر یێن توركیا چەند بارەگەهەكی چەكدارێن یەپەشە یێن سەر ب پەكەكە ڤە ل خانەسۆرێ كرنە ئارمانج , ول گۆری زانیاریان د ئەنجاما بۆمبەبارانكرێ دە كوشتی وبریندار هەنە .

91