دەزگەها خێرخوازی یا بارزانی چارەمین كاروانا ئالیكاریان دەرباسی رۆژئاڤایێ كوردستانێ كر

آرك نيوز...دەزگەها خێرخوازی یا بارزانی د پێشكێشكرنا ئالیكاریان دە بۆ خەلكێ رۆژئاڤایێ كوردستانێ یێن ژ مالێن خوە دەربدەر بوونە بەردەوامە, وبۆ چارەمین جار دەزگەها خێرخوازی یا بارزانی كاروانەكە ئالیكاریێ دەرباسی رۆژئاڤایێ كوردستانێ كر .

مووسا ئەحمەد سەرۆكێ دەزگەها خێرخوازی یا بارزانی ژ خالا سینووری یا فێشخابوور – سێمالكا د كۆنگرەیەكی رۆژنەمەڤانی دە راگەهاند كو دەزگەها خێرخوازی یا بارزانی پابەندە ب پێشكێشكرنا ئالیكاریان دە بۆ خەلكێ رۆژئاڤایێ كوردستانێ كو نەچار بوونە ژ بەر ئێریشا توركیا ژ مالێن خوە دەربدەر بوونە .

هەروەها سەرۆكێ دەزگەها خێرخوازی یا بارزانی د كۆنگرەیێ رۆژنەمەڤانی دە سپاسیا خاچا سۆرا كوردی , ورێخستنێن ل هەرێما كوردستانێ , ووەلاتێن ئۆرۆپا كر كو ئالیكاری د ریێا دەزگەها خێرخوازی یا بارزانی ڤە گەهاندنە كوردێن رۆژئاڤایێ كوردستانێ .

مووسا احمد گۆت كو كاروانا ئالیكاریان یا ڤێ جارێ بۆ كوردێن رۆژئاڤایێ كوردستانێ ( 500 ) تەنە , وژ ( 6000 ) بەتانی , و( 1500 ) غازی پێكتێ.

سەرۆكێ دەزگەها خێرخوازی یا بارزانی تەكەزی ل سەر وێ چەندێ كر وگۆت كو هەردەمەكی كوردێن رۆژئاڤایێ كوردستانێ پێویستیا وان ب ئالیكاریان بە , دەزگەها خێرخوازی یا بارزانی بەردەوام ئامادەیە ئالیكاریان پێشكێشكی وان بكە , وئەو كێماسیێ ناكن .

ژ دەما ئێریشا توركیا ژ نەهێ مەها بووری ڤە بۆ سەر رۆژئاڤایێ كوردستانێ دەستپێكریە وهەتا وەكە نها دەزگەها خێرخوازی یا بارزانی یەكەم دەزگەه بوویە كو ئالیكاری پێشكێشكی كوردێن رۆژئاڤایێ كوردستانێ كر كو ژ مالێن خوە دەربدەر بوونە , وئەڤ چارەمین جارە دەزگەها خێرخوازی یا بارزانی كاروانێن ئالیكاریان دەرباسی رۆژئاڤایێ كوردستانێ دكە .

312