مارك ئسپەر : د هەیاما حەفتیەكێ دە هێزێن ئەمریكی وێ ژ كووبانێ ڤەكشن
آرك نيوز...هێزێن ئەمریكی ژ بنگەهەكە سەربازی ل باشوورێ كووبانێ ل رۆژئاڤایی َكوردستانێ ڤەكشیان , ووەزیرێ بەرەڤانیا ئەمریكا دبێژە كو پرۆسەیا ڤەكشانێ وێ حەفتیەكێ درێژ بكە .
ئاژانسا سپۆتنیك یا نووچەیا ئەشكەرەكر كو دوه هێزێن ئەمریكی ژ بنگەها سرین ل باژارێ كووبانێ ڤەكشیان , وپشتی كو هێز ڤەكشیان , بنگەها لەشكەری هاتە تەقاندن , ئەوژی داكو تو شوونمایێن هێزا ئەمریكی ل بنگەها سرین نەمینن .
وەكە ئاژانسا ناڤبووری دایەزانین كو ئەو هێزا ئەمریكی بەرەڤ دەڤەرا تل تمر ل گوندەوارێ رۆژئاڤایێ حەسەكێ ب رێكەت , ول گوندێ تل بیدر ل سەر ریێا حەسەكێ ودرباسیێ بجی بوو .
وژئالیێ خوەڤە مارك ئیسپەر وەزیرێ بەرەڤانیا ئەمریكا دازانین كو پرۆسەیا ڤەكشانا هێزێن ئەمریكی ژ تەڤایا سنوورێن باژارێ كووبانێ وێ حەفتیەكێ بەردەوام بە , ئەوژی د دەمەكەێ دە رۆژانە هێزێن ئەمریكی ژ رۆژئاڤایێ كوردستانێ ڤەدكشن وهێزنە دن دەرباسی رۆژئاڤایێ كوردستانێ دبن .
وەزیرێ بەرەڤانیا ئەمریكا گۆت كو دەما پرۆسەیا ڤەكشانا هێزێن ئەمریكی ژ رۆژئاڤایێ كوردستانێ ب داوی وەرە , وی دەمی نێزیكی 600 سەربازێ ئەمریكی ل سووریێ وێ بمینە .
وەزیرێ بەرەڤانیا ئەمریكا تەكەزی ل سەر مانا هێزێن ئەمریكی ل رۆژهلاتێ چەمێ فەراتێ كر وبەریا نها گۆتبوو كو هێزێن ئەمریكی ناڤچەیێ ڤالە ناكن , وهێزێن ئەمریكی وێ ژ بۆ پاراستنا بیرێن پەترۆلێ بمینن , وئەمریكا ریێ نادە تو ئالیەكی بیرێن پەترۆلێ ل رۆژهلاتێ چەمێ فەراتێ كۆنترۆل بكە .
ئەمریكا ل ناڤچەیێن كوردی دەوریێن هەڤبەش ئەنجام ددە , وب تایبەتی ئەو ناڤچەیێن كو بیرێن پەترۆلێ لێ هەنە , وبەردەوام چاڤدێرا رەوشا بیرێن پەترۆلێ ل ناڤچەیێ دكە .
574
