هێزێن ئەمریكا بنگەهەكە لەشكەری ل تربە سپیێ ئاڤا كرن

آرك نيوز..ژێدەرەكە خوەجهی ژ رۆژئاڤایێ كوردستانێ راگەهاند كو هێزێن ئەمریكی دەست ب ئاڤاكرنا بنگەهەكە لەشكەری ل باژارێ تربە سپیێ كریە , وجارەكە دن هێزێن ئەمریكی ڤەگەریانە بنگەها هیمۆ ل نێزیكی باژارێ قامشلۆ .

ژێدەرەكە خوەجهی ژ تربە سپیێ راگەهاند كو هێزێن ئەمریكی ل باژارێ تربە سپیێ ل نێزیكی سینوورێن توركیا دەست ب ئاڤاكرنا بنگەهەكە لەشكەری كرنە , ودوه كاروانەكە لەشكەریا ئەمریكی كو ژ چەندین بارهلگر پێكدهات دەربارسی رۆژئاڤایێ كودرستانێ بوو .

هەروەها ژێدەرا خوەجهی دازانین كو بەشەك ژ كاروانا لەشكەری بەرێ خوە دا بنگەها لەشكەری ل باژارێ تربە سپیێ , وبەشێ دن بەرەڤ بنگەها هیمۆ ل نێزیكی باژارێ قامشلۆ ب رێكەت , ول بنگەها هیمۆ ب جی بوو .

هەر د ڤێ دەربارێ دە ژێدەرەكە تایبەت ژ ئاركێ رە راگەهاند كو دو عەسرێ هێزەكە ئەمریكی چوو ناڤا بنگەها هیمو ل نێزیكی باژارێ قامشلو , وبریارە بنگەهێ بەرفەرەهتر بكە.

ژێدەرەكە تایبەت ژ ئاركێ راگەهاند كو هێزا ئەمریكی كو ژ تانك وبارهلگران پێكدهات , چوو ناڤا بنگەها هیمۆ , ول گۆری كو هاتیە زانین ئەمریكا وێ ل بنگەهێ بۆ دەمەكە نەدیار بمینە , لەوما وێ بنگەهێ بەرفەرەهتر بكە .

ژێدەرا تایبەت دازانین كو ڤەگەرا هێزێن ئەمریكی بۆ بنگەها هیمۆ دلخوەشی ودل رحەتی د ناڤا خەلكێ بەلاڤكر .

هەڤدەمێ كو ئەمریكا هەبوونا هێزێن خوە ل چەند ناڤچەیەكە رۆژهلاتێ چەمێ فەراتێ ب هێز دكە ، ژ هندەك ناڤچەیێن دن ب یەكجاری ڤەدكشە ، وهەر دو ئەمریكا هێزێن خوە ژ بنگەها صرین كو دكەڤە باژارێ كووبانێ دە ڤەكشاندن ، وپشتی ڤەكشانێ بنگەه تەقاندن .

465