ژبۆ رۆژئاڤایێ كوردستانێ ژمارەیەك سیناتۆرێن ئەمریكی هۆشداری دانە پۆمپیۆ

آرك نيوز...ژمارەیەك ژ مەزنە سیناتۆرێن ئەمریكا هۆشداری دانە وەزیرێ دەرڤەیێ ئەمریكا وداخوازا سەپاندنا سزایان ب سەر توركیا دە كرن , وهۆشداری دان وگۆتن كو پێگەها ئەمریكا ل د مەترسیێ دەیە .

پێنج سیناتۆرێن ئەمریكی نامەیەك ژ بۆ مایك پۆمپیۆ وەزیرێ دەرڤەیێ ئەمریكا شاندن , وتێدە ئاماژە ب راپۆرتێن كو بەحسا بكارئانینا چەكێن كیمیاوی ژ ئالیێ توركیا ڤە ل دژی كوردان ل رۆژئاڤایێ كوردستانێ دان وگۆتن كو پێویستە ل سەر ڤێ مژارێ وەرە راوەستاندن .

هەروەها سیناتۆرێن ئەمریكی د نامەیا خوەدە گۆتن كو بریار بوو ئەمریكا سزایێن تووند ب سەر توركیا ب سەپینە ئەگەر توركیا ئاگربەست ورێكەفتنێ بنپێ بكە , و د دەما نهادە توركیا وگرووپێن ب سەرڤە بنپێكرنان ب بەلگە ئەنجام ددە , وئەمریكا تو سزایەكە نەسەپاند .

سیناتۆرێن ئەمریكی د نامەیا خوەدە تەكەز كرن كو پێویستە ئەمریكا ل دژی بنپێكرنان كارڤەدانێ بكە , وتوركیا سزا بدە , وهۆشداری دان وگۆتن كو پێگەها ئەمریكا وباوەریپێكرن ب ئەمریكا د مەترسیێ دەیە .

سیناتۆرێن كو نامە ژ بۆ مایك پۆمپیۆ وەزیرێ دەرڤەیێ ئەمریكا شاندن , لێنزی گراهام , كریس ڤان هەلین , ریچارد بلۆمینسال , جین شاهین , ومارشال بلاكبێرنن .

دەما كو توركیا ئێریشی رۆژئاڤایێ كوردستانێ كر , ئەمریكا سزا ب سەر توركیا دە سەپاندن , وپشتی كو د حڤدەهێ مەهێ دە ئەمریكا وتوركیا ل سەر ئاگربەستێ رێكەفتن , ووەكە كو ئەمریكا دبێژە توركیا پابەندێ ئاگربەستبوو , لەوما ئەمریكا سزا ل سەر توركیا راكرن .

بەردەوام كۆنگرێسێ ئەمریكی پرۆژەیان گۆتووبێژ دكە داكو سزایان ب سەر توركیا دە ب سەپینن , وهینا پرۆژەیا سەپاندنا سزایان سەد ل سەر سەد نەهاتیە بجیكرن .

403