لێدوانێن بەرپرسیارێن ئەمریكی دەربارێ بیرێن پەترۆلێ ل رۆژهلاتێ چەمێ فەراتێ ژ هەڤ جودانە

آرك نيوز...تەڤی كو ئەمریكا بریاردایە كو هێزێن وێ ل رۆژهلاتێ چەمێ فەراتێ بیرێن پەترۆلێ بپارێزە , وترامپ ئەركێ هێزێن ئەمریكی ل رۆژهلاتێ چەمێ فەراتێ زێدەكریە , وەزارەتا دەرڤەیا ئەمریكا دبێژە هینا تو رێنمایی دەربارێ پەترۆلا رۆژهلاتێ چەمێ فەراتێ نەگهشتنە دەستێ وەزارەتێ .

بەپرسیارەكی پلە بلندێ وەزارەتا دەرڤەیا ئەمریكا دبێژە كو پەترۆلا رۆژهلاتێ چەمێ فەراتێ د دەما نهادە د دەستێ پەیەدەیە وئیدارەیا پەیەدە سوودێ ژ پەترۆلێ وەردگرە نەك ئەمریكا .

هەروەها وی بەرپرسیارێ وەزارەتا دەرڤەیا ئەمریكا كو ناڤی وی نەهاتیە ئەشكەرەكرن دازانین كو كێلگەهێن پەترۆلێ د دەستێ هێزێن هەسەدەیە , وب تەنێ ئەمریكا ئاساییشا ناڤچەیێ دابین دكە , وئەڤ ئەركێ هێزێن ئەمریكی د چارچۆڤەیا شەرێ دژی داعشێ دەیە .

هەر دوه ئاژانسا ئەسۆشەیتد پرێس ل سەر زارێ بەرپرسیارەكی ئەمریكی بەلاڤكریە كو دۆنالد ترامپ سەرۆكێ ئەمریكا دەربارێ بەرفەرەهتركرنا ئەركێ هیزێن ئەمریكی ل رۆژهلاتێ چەمێ فەراتێ ب مەبەستا پاراستنا بیرێن پەترۆلێ رازی بوویە .

ئاژانسا ناڤبووری دایەزانین كو ل گۆری بریارێ بهتر ژ 800 سەربازێن ئەمریكی ل رۆژهلاتێ چەمێ فەراتێ وێ بمینن , ووێ نێزیكی سەد وچل وپێنج كیلۆ متر ناڤبەرا دێرازۆرێ وحەسەكێ دە بپارێزن .

وژئالیێ خوەڤە مایك پێنس جێگرێ سەرۆكێ ئەمریكا گۆتبوو ئەمریكا ریێ نادە كو رۆسیا , ئێران , رژێما ئەسەد وداعش بیرێن پەترۆلێ كۆنترۆل بكە , وب تەنێ ئەمریكا وێ كۆنترلا بیرێن پەترۆل بكە .

ئەڤ لێدوانا وەزارەتا دەرڤەیا ئەمریكا د دەمەكی دە تێ كو بەرپرسیارێن پەیەدە بانگ ل ئاژۆكارێن بارهلگرێن پەترۆلێ كرن كو تأمیناتێن خوە وەربگرن , ژ بەر ئیدی رێڤەبەریا پەترۆلێ وێ بكەڤە دەستێ ئەمریكا دە .

434