تۆرا سوورى: 441 كه‌س د مه‌ها ئێلوونێ ده ل سووريێ هاتنه ره‌ڤاندن
آرك نيوز.. تۆرا سوورى يا مافێ مرۆڤان دبێژه كو د مه‌ها ئێلوونا بوورى ده ب سه‌دان ره‌وشێن ره‌ڤاندنێ ل سووريێ هاتنه ئه‌نجامدان.
د راپۆرته‌كه كو ئيرۆ هاتى به‌لاڤكرن, تۆرا سوورى يا مافێ مرۆڤان گۆت كو ب ته‌نێ د مه‌ها ئێلوونێ ده 441 ره‌وشێن گرتنێ ل سووريێ هاتنه ئه‌نجامدان, ژ ناڤ وان276 بوونه بنچاڤكرى وبێ سه‌روشۆنن.
هه‌روه‌ها راپۆرتێ ژ ده‌سپێكا سالا 2019ان ڤه ره‌ڤاندنا 4059كه‌سى ل سه‌ر ده‌ستێن ئاليێن ناكۆك ل سووريێ ب به‌لگه كريه.
د راپۆرتێ ده هاتيه كو197 كه‌س د ناڤ وا ده 4 زارۆك وژنه‌ك ل سه‌ر ده‌ستێ رژێما ئه‌سه‌د هاتنه ره‌ڤاندن, 29 د ناڤ وان ده 3 زارۆك ل سه‌ر ده‌ستێ هيئه تحرير الشام, 183د ناڤ وان ده 29 زارۆك و 9 ژن ل سه‌ر ده‌ستێ چه‌كدارێن سووريايا ده‌موكراتيك , هه‌روه‌ها 102 كه‌س ل سه‌ر ده‌ستێ گرووپێن چه‌كدار هاتنه ره‌ڤاندن.
تۆرا سوورى د راپۆرتا خوه ده داخواز ژ ئه‌نجوومه‌نا ئه‌وله‌هى يا ناڤده‌وله‌تى كر, كو به‌رده‌وام به د جيبجيكرنا بريارێن خوه ژماره 2042و 2043وهه‌روه‌ها 2139, يێن تايبه‌ت ب بنچاڤكرن وره‌ڤاندنێ ول به‌رامبه‌رى وان كرياران راوه‌سته.
243
