ئەردۆغان: سیناریۆیا حەلەبێ ل ئدلبێ تێ دووبارە كرن
ارك نیوز .. سەرۆك كۆمارێ توركیێ دبێژە هەمان سیناریۆیا حەلەبێ ل باژارێ ئدلبێ لباكورێ سوریێ تێ دووبارە كرن .
د كۆنگرەكی رۆژنامەڤانی هەڤبەش دە ناڤبەرا رەجەب تەیب ئەردۆغان سەرۆك كۆمارێ توركیێ و ئەندرێ بابیس سەرۆك وەزیرێن تشیكێ ، ئەردۆغان راگهاند كو نها باژارێ ئدلبێ لباكورێ سوریێ راستی وەیرانكرنێ ب ئاوایەكی هێدی هێدی تێ .
هەروەها ئەردۆغان دا خویاكرن كو وەكو چاوا باژارێ حەلەبێ د سالا دووهەزار و شازدەهان دە بتەمامی وەیران بوو ، نها ژی ل باژارێ ئدلبێ هەمان سیناریۆیا حەلەبێ تێ دووبارەكرن كو ژ بەریا چەند مەهان ڤە باكورێ سوریێ بگشتی و بتایبەتی باژارێ ئدلب و گوندەوالارێ وی راستی ئێریشین تووند ژ ئالیێ ریژیما ئەسەد و روسیی ڤە تی و تا نها ئەو هەلمەتا لەشكەری لسەر ئدلبی بەردەامە و ئێدی هێدی هێدی ئەڤ باژار تێ وەیرانكرن چێ ئاڤاهیین سڤیلان بە یان ژی ناڤەندێن خزمەتگوزاری و تەندروستی و دبستان بە ، كو هەژمارەك مەزن ژ نەخوەشخانە و ناڤەندێن تەندروستی ژ كار كەتنە .
وسەرربار كر كو ژبلی وەیرانكرنێ ، رۆژانە ب دەهان وەلاتیێن سڤیل ل ئدلب و حمایێ دبنە قربانیێن وان ئێریشان كو تا نها ب دەهێ هەزاران ژ وەلاتیێن سڤیل بوونە قربانی ناڤبەرا كوشتی وبریندار دە سەرباری دەربەدەربوونا ب سەدێ هەزاران ژ سوریان كو هەژمارەك مەزن بەرێ خوە دانە دەڤەرێن سینۆرێ و بەشەك دن ل جۆلێ دمینن و د رۆشێن مرۆڤی خراب دە دژین .
هەروەها ئەردۆغان د وی كۆنگری دە ئەشكەر كر وگۆت كو پرسا ئدلبێ پرسەكە توركی ژبەر كو ئەگەر كۆچبەریەك دروست ببە وێ خەلكێن دەڤەرێ بەرێ خوە بدن سینۆرێ توركیێ ژبەر كو سینۆرێ وەلاتێ مە ب سوریێ رەیە و تەنێ وێ زەرەر بگهێژە مە نەك وەلاتێن دن یێن كو ژ سوریێ دوورن .
بریارە د داویا ڤێ مەهێ دە رەجەب تەیب ئەردۆغان سەرۆكێ توركیێ لگەل سەرۆكێ ئەمەریكا دۆنالد ترامپ رە د چارچۆڤەیا جڤینێن كۆمەلەیا گشتی یا بسەر نەتەوێن یكگرتی ڤە ل نیۆنیۆركێ بجڤە داكو داوین پێشهاتە و پیشڤەچوونێن میدانی یین ئدلب و حمایێ گفتوگۆبكن .
د داویا سالا دووهەزار و شازدەهان دە باژارێ حەلەبێ راستی ئۆپەراسیۆنەكە لەشكەری ژ ئالیێ رێژیما ئەسەد ڤە ب پشتەڤانیا روسیی هات كو ئەو باژار و گوندەوارێ وێ راستی ئێریشێن تووند هات كو د ئەنجاما وان ئێریشان دە ب هەزاران سڤیل جانێ خوە ژ دەست دان و برینداربوون سەرباری وەیرانكرنا باژارێ حەلەبێ ب تەمامی ژبەر گووركرنا ئێریشێن رێژیم و روسیی لسەر هەمان دەڤەرێ وپشترە رێژیمێ رۆژهەلاتێ باژارێ حەلەبێ كونترۆل كر وخستە بن كونترۆلا خوە دە .
263
