ئهمینداریا گشتی یا ئهنهكهسه داخویانیهك دهربارێ جڤینا خوه بهلاڤ كر
ئهمینداریا گشتی یا ئهنجومهنا نشتیمانی یا كودری ل سوریێ داخویانهیهك دهراربێ جڤینا خوه یا ئاسایی بهلاڤ كر كو د ویً جڤینیً ده پێشهاتهیێن سیاسی و ههولێن دیپلۆماسی یێن ئهنهكهسه ههروهها رهوشا رێخستنی یا ئۆفیسێن وێ و كارێ وان ئۆفیسان هاتن گهنگهشهكرن...
دهربارێ ناڤچهیا ئارام یا كو بریاره وره ئاڤاكرن، د داخویانیا ئهمینداریا گشتی ده هاتیه كو ئهنجوومهن تهكهزیێ ل سهر گرنگیا وێ یهكێ دكه كو ئهو ناڤچه ب سهپهرهشتیهكه ناڤدهوهلتی به كو پاراستنا ههموو پێكهاتهێن وێ وهره كرن، و ناڤچهیێن كوردی ل رۆژهلاتێ فراتێ ب ههڤبهشی وهرن رێڤهبرن دناڤبهرا كورد و پیًكهاتهێن وێ ده، ههروهها ب هێزهكه لهشكهری ههڤبهش كو پێشمهرگهێن رۆژ رۆلا خوه یا ئاسایی تێده بلیزن، و ئهو ناڤچه ببه فاكتهرهكه ئارامی و دلنیابوونێ ژبۆ ههموویان.
ئهمینداریا گشتی ههروهها تهكهزی ل سهر دیتنا ئهنجوومهنێ دهربارێ مافێ ڤهگهرێ ژبۆ پهنابهر و كۆچبهركریێن ب نهچاری بۆ جه و وارێن خوه و بۆ ناڤچهێن خوه كو ژێ هاتنه كوچبهركرن دكه، د ههمان دهمێ ده ئستغلالكرنا ڤێ ڤهگهرێ ژبۆ بجیكرنا وان پهنابهر و كۆچبهركریان ب ئارمانجا پێكئانینا گوههرتنهكه دیموغرافی ل ڤێ ناڤچهێ یان ل ههر جههكی دن ل سوورێ به، رهد دكه.
دهربارێ رهوش و پێشهاتهیێن گشتی، ئهمینداریا گشتی دبینه كو دانینا چارهسهریا گونجاو ژبۆ بداویئانینا ههموو ململانی و توندوتووژیێ ل وهلێت، ب رێیا ئهكتیڤكرنا پرۆسهیا سیاسی و دیتنا چارهسهریا سیایسی ل گوری بریارێن رهوایهتیا ناڤدهولتی یه، و بتایبهت بریارا 2254، و بلهزكرن د ئاڤاكرنا كۆمیتهیا دهستووری و دهسپێكرنا كارێ وێ یه، ههروهها بانگ ل جڤاكا ناڤدهولهتی دكه كو ب بهپرسیارهتیا خوه رابه د ڤێ دهربارێ ده، و ژبۆ وێ یهكێ تهكهزی ل سهر گرنگیا ههولێن بهتر یێن دیپلۆماسی و پهیوهندی ب ئالیێن پهیوهندیدار ره دكه ژبۆ شرۆڤهكرنا دیتن و ههلوهستا ئهنجوومهنێ ب زهلالی دهربارێ پێشهاته و پرۆسهیا سیاسی و پێشهرۆژا وهلێت و چارهسهركرنا دۆزا كوردی.
دهربارێ رهوشا عهفرینێ، ئهمینداریێ جارهكه دن شهرمهزاركرنا خوه ژ پبپێكرنێن بهردهوام دهرحهقێ خهلكێن عهفرینێ ل سهر دهستێ گرووپێن چهكدار نیشان دا، و داخوازا سزادان و دهرخستنا وان گرووپان ژ عهفرینێ و رادهستكرنا رێڤهبهریا وێ ناڤچهێ بۆ خهلكێن وێ و پهیداكرنا پاراستنهكه ناڤدهوهلتی كر.
ئهمینداریێ ههروهها بهحسا ئازارێن ناڤچهیا ئدلبێ كر، و كوشتن و كۆچبهركرنا كو راستی وێ ناڤچهیێ پشتی ئێریشێن رێژیم و ههڤپهیمانێن وێ شهرمهزار دكه.
د جڤینا خوه ده ئهمینداریێ بهحسا رهوشا رێخستنی و كارێ ئۆفیسێن ئهنجوومهنێ و ستاندنا بریاران ژبۆ ئهكتیڤكرن و پێشخستنا كارێ ئهنجوومهنێ د وارێ رێخستنی و جهماوهری ژبۆ خزمهتا دۆزا گهلێ كورد و بجیكرنا مافێ نهتهوهیی و ئاڤاكرنا سووریایهكه فیدرال دیموقراتی ژبۆ ههموو سووریان كر.
329
