نەتەوەیێن یەكگرتی: پ ی د 313 زارۆك بلەشكەركرنە
نەتەوەیێن یەكگرتی راگهاند كو چەكدارێن قسد كو چەكدارێن پارتیا یەكیتیا دیموقراتیك پ ی د د بەشێ سەرەكەنە ژێ، سالا دوهەزار و هژدەهان سێسەد و سێزدە زارۆك بلەشكەركرنە هەروەها سهه و هەشت دبستان و نەخوەشخانە ژبۆ چالاكیێن لەشكەری بكارئانینە.
رۆژا شەمیێ، ئەمیندارێ گشتی یێ نەتەوەیێن یەكگرتی ئەنتۆنیۆ گۆتیریس راپۆرتا خوە یا سالا دوهەزار و هژدەهان دەربارێ زارۆك و ململانیێن چەكداری رادەستی ئەنجومەنا ئەسایشا ناڤدەوەلتی كر.
راپۆرت بنپێكرنێن لدژی زارۆكان و كارێن توندوتوژیێ و توندوتوژیا سێكسی هەروەها ئێریشێن لسەر دبستان و نەخوەشخانەیان ژ ئالیێ وەلات و كۆمێن چەكدار ڤە د ئاتمۆسفێرێن شەر و ململانیێن چەكداری ل بیست وەلاتان د سالا دوهەزار و هژدەهان دە لخوە دگرە.
د وێ راپۆرتێ دە هاتیە كو پ ی د بیست و چار دبستان و نەخوەشخانە ژبۆ چالاكیێن خوە یێن لەشكەری بكارئانینە سەرباری بكارئانینا چاردە دبستان و نەخوەشخانەیان وەكە عەمبارێن تەقەمەنیان.
هەر د وێ راپۆرتێ دە چەكدارێن سووریایا دیموقراتیك كو چەكدارێن پ ی د بەشێ سەرەكەنە ژێ، 313 زارۆك ژ كۆما 816 زارۆكان ل سەرانسەری سووریێ د سالا 2018ان دە بلەشكەركرنە، رێژەیا 40% ژ وان زارۆكێن دناڤا قسد دە زارۆكێن كەچن، نیڤێ وان ژێر پازدە سالی نە،
راپۆرتا نەتەوەیێن یەكگرتی دبێژە كو ل بیست وەلاتان بهتری 24 هەزار بنپێكرنی لدژی زارۆكان هاتنە ئەنجامدان، وئەو یەك ژی ب بەراوردی ب سالێن بۆری رە تا رادەیەكێ بهتر بوونە و جهێ فكارێ نە.
د رێزبەندیا وەلاتێن كو بنپێكرن دەرحەقێ زارۆكان لێ تێنە ئەنجامدان، وەلاتێ ئەفگانستانێ د پلەیا یەكەمین دە یە، پشترە سووریێ د پلەیا دویەمین دە تێ، كو ژ بەر شەر و پەڤچوون و بەرمیلێن تەقینەر 1854 زارۆك ل سووریێ د 2018ان دە هاتنە كوشتن.
449
