پەدەكەسە: پەیەدە ژبۆ نێزیكبوونێ نەجدی یە
پۆلیتبیرۆیا پارتیا دیموقراتا كوردستان سووریا گۆت كو ئەو و ئەنجومەنا نشتیمانی یا كوردی ل سووریێ دخوازن هەڤپاریەكە راستەقینە ل گەل پارتیا یەكیتیا دیموقراتیك پەیەدێ رە ئەنجام بدن لێ ئەو تو جدیەتێ لجەم پەیەدە نابینن.
د راپۆرتا خوە یا مەها حزێرانێ دە پۆلیتبیرۆیا پارتی دبێژە هین هەول ژبۆ بجیكرنا جۆرەك ژ جۆرێن نێزیكبوونێ ناڤبەرا ئەنەكەسە و پەیەدە دە ب رێیا دەستپێشخەریا فەرنسی و هەولێن ئەمریكی بەردەوامن، و د ڤێ دەربارێ دە پەدەكەسە و ئەنەكەسە دخوازن هەڤپاریەكە راستەقینە وەرە ئەنجامدان، ئەو یەك ژی ب رێیا پەیداكرنا ئاتمۆسفێرێن پێویست ژبۆ دانوستاندنێ ب شێوەیەكی جدی و كارا.
پۆلیتبیرۆیا پەدەكەسە هەروەها دبێژە پەیەدێ ب رێیا كریارێن خوە بەرۆڤاژیێ وێ یەكێ دەردكەڤە، ئەو یەك ژی تێ واتەیا كو پەیەدە نەجدی یە یان ژی بریار نە د دەستێ وێ دەیە، و تەنێ دخوازە بریار و هەلوەستا ئەنجومەنێ دەستەسەر بكە، و ئەو یەك ژی ب هەر شێوەیی نایێ قەبوولكرن.
151
