دكتۆر فەرید سەعدون: رێڤەبەریا پەیەدە ل رۆژئاڤایێ كوردستانێ ب سەر نەكەتیە

آرك نيوز..ئەكادیمیناسەكی كوردێ رۆژئاڤایێ كوردستانێ دبێژە كو رێڤەبەریا سەر ب پەیەدەڤە ل رۆژئاڤایێ كوردستانێ ب سەر نەكەتیە , وتو ئاسۆیێن گەشبینیێ ل هۆلێ نینن داكو ئەڤ رەوشا كو نها رۆژئاڤایێ كوردستانێ تێدە دەرباس دبن وەرە چارەسەركرن.

دكتۆر فەرید سەعدون ئەكادیمیناسێ كورد ل سەر رووپەلا خوە یا فێسبووكێ ژمارەیەك پۆست دەربارێ كارێ رێڤەبەریا سەر ب پەیەدەڤە ل رۆژئاڤایێ كوردستانێ بەلاڤكرنە ودبێژە پەیەدە ب تو ئاوایەكی ژ رووێ سیاسی وخزمەتگوزاریێ ڤە ب سەر نەكەتیە .

ئەكادیمیناسێ كورد دبێژە ل رۆژئاڤایێ كوردستانێ گەندەلی , ومەحسووبیەت , ووەرگرتنا بەرتیلێ ب ئاوایەكی بەرچاڤ ب سەرپەرشیتا چەكدارێن سەر ب پەیەدەڤە بەربەلاڤبوویە , ووەكە كەلتوور ل جەم پەیەدە لێ هاتیە , ویا هەری جهێ داخیێ یە , چەكدارێن پەیەدە قووتێ ژیانا خەلكێ پێ رە پار دكە.

دەربارێ سیستەمێ خوەندنێ وگەندلی وپیلانێن ژناڤبرنا سیستەمێ پەروەردە وخوەندنێ ئەكادیمیناسێ كورد دبێژە كو ئەو كەسێن سەرپەرشتیا سلكێ پەروەردەیێ دكن , نە ئەكادیمینە , وئەو كەسێن ئەكادیمینە ژ كار هاتنە دوورخستن .

دكتۆر فەرید سەعدوون پرسیارێ دكە گەلۆ ئەو كارینێن ل جەم سەرپەرشتیارێن پەروەردە وخوەندنێ چنە ؟ ودبێژە هەستیارترین وەزارەتێن سەر ب پەیەدەڤە كو وەزارەتا پەروەردە , ووەزارەتا خوەندنا بلندە د دەستێ ژمارەیەك كەس دەیە كو تو پەیوەندیا وان ب پەروەردەیێ وخوەندنێ نینە , بەلكوو نەئەكادیمیناس .
هەروەها ئەكادیمیناسێ كورد دبێژە كۆمین بەردەوام پەرەیان ژ خەلكێ وەردگرن , ودەما پرسیار ژ وان تێ كرن دبێژە , شەرە , وشەهید هەنە , عەیبە تو پرسیار دكە چما هەزار لەیرە تێ وەرگرتن .

هەروەها دكتۆر فەرید سەعدوون دبێژە بەردەوام كۆمینێن سەر ب پەیەدەڤە بەراوردێ ناڤبەرا خوە وكۆمینێن وەلاتێن ئەفریقیا , ورێخستنا تەرۆرستیا داعشێ دكن د وەرگرتنا پەرەیان دە
ز.ح

586