هسد 43 تەرۆریستێن داعشێ سەربەست بەردان
چەكدارێن سووریایا دیموقراتیك كو چەكدارێن پەیەدێ بەشێ سەرەكەنە ژێ چل و سێ تەرۆریستێن داعشێ ژ زیندانێن خوە سەربەست بەردان.
رۆژا یەكشەمێ ل گوندەوارێ دێرازۆرێ چەكدارێن قەسەدێ چل و سێ گرتی ژ تەرۆریستێن داعشێ كو بتۆمەتا ئەندامەتی و هەڤكاریا داعشێ هاتبوون گرتن ب دەستپێشخەریەكێ لژێر ناڤێ پێشكێشكرنا نیازێن پاك سەربەست هاتن بەردان.
بەریا نها ژی چەكدارێن پەیەدێ و هەسەدێ بهتری هەزار و پێنسەد تەرۆریستێن داعشێ سەربەست بەردانە، د وی دەمی دە كو هین چارەنڤیسا ب سەدان ژ وەلاتیێن كورد كو ژ ئالیێ داعشێ ڤە هاتبوون رەڤاندن نەدیارە.
بەریا نها ژی رەوانگةها سووریێ یا مافێ مرۆڤان بەلاڤكربوو كو رێژەیەكە بلند ژ تەرۆریستێن داعشێ كو سەربەست تێنە بەردان تەڤلێ چەكدار و هێزێن ئەولەكاری یێن لناڤچەیێن ژێر كۆنترۆلا هەسەدە دبن، نەخاسم ل باژارۆكێ عێن عیسایێ.
325
