ENKS bi Baliyozê Holenda re li Istenbolê civiya
Duh Pênşemê şandek ji Encumena Niştîmanî ya Kurdî li Sûriyê bi Baliyozê Holenda Jêrard Stîcsêt û Şandiyê taybet ji bo Sûriyê re civiya.
Şanda ENKS ji Mihemed Ismayil endamê Desteya Serokatiyê ya ENKS, Ebdulbasit Hemo cîgirê serokê Kiwalisiyona Niştîmanî ya Opozisiyona Sûriyê û Ebdula Gedo endamê Desteya Siyasî ya Kiwalisiyonê pêk dihat.
Di civînê de rewşa ENKS û giringî û rol û dîtina wê derbarê pêşhateyên siyasî li navçeyê û rewş û azarên Gelê Kurd û navçeyên Kurdî li Sûriyê herweha beşdariya ENKS di proseya siyasî li gorî Cinêvê hatin gengeşekirin.
Ji aliyê xwe ve Baliyozê Holenda dilxweşiya xwe bi wê civînê û naskirina rewş û rol û dîtina ENKS ji nêzîk ve anî ziman herweha got ku ew ê dîtina ENKS derbarê pêşhateyên Sûriyê bo welatê xwe veguhêzê.
477
