Cêfrî : Pêşmergeyên Rojava derbasî Rojavayê Kurdistanê bûn
ARK NEWS .. Piştî ku berdevkê çekdarên YPGê Nûrî Mehmûd çûna hêzek ji Pêşmergeyên Leşkerê Roj ji bo Rojavayê Kurdistanê red kir û bi nerast ragihand, şandeyê emrîkî yê taybet ji bo Sûriyê tekez kir ku hêzek ji Pêşmergeyên Roj derbasî xaka Rojavayê Kurdistanê bûne .
Duh roja Duşemê 17/12/2018an Cêmis Cêfrî ragihand ku di roja yekşemê 16ê Berçileya 2018an hêzek ji pêşmergeên Rojava bi hemahengî bi wan û hêzên Sûriya Demoqrat re bi mebesta belavkirina ewlekariyê di deverê de derbasî nav xaka Rojavayê Kurdistanê bûn .
Li gor alavên ragihandinê û dîdevanan ku hêzek ji Pêşmergeyên Leşkerê Roj bi çekên giran û otombêlên xwe derbasî nav xaka Rojavayê Kurdistanê bûn û jêderan tekez kirin ku hin hevdîtin bi berpirsên Hevpeymaniya navedewltî ya li dijî DAIŞê li Sûriyê û berpirsên QSDê pêk anîn lê PYDê û alavên xwe ew yek red kirin nexasim berdevkê YPGê Nûrî Mehmûd bi nerast ragihand û got bi tenê ragihanda PDKê behsa çûna Pêşmergeyên Roj kirin .
Çûna hêzên Pêşmergeyên Roj dengvedaneke bihêz û berçav di nav civaka kurdî li Rojavayê Kurdistanê de çêkir û xelkê Rojavayê Kurdistanê ji Dêrikê ta Efrînê ji kal û pîran jin û mêran xort û keçan biçûk û mezinan hêvî û omîda xwe ji hatina Pêşmergeyan derbirandin û bi sîngekekî fereh gotin ew amadene pêşwazî li hêzên birûmet bikin û herdem ew hêvî hîn li cem xelkê Rojavayê Kurdistanê maye da ku ji gev û metrisiyan werin rizgarkirin .
Ş.E
578
