Serok Barzanî li gel Mîrê Êzîdiyan civiya
Roja şemiya 11ê Adara 2023 li Selaheddîn Serok Mesûd Barzanî li gel Mîr Hazim Tehsîn Beg Mîrê Êzdiyan û Şêx Elî Elyas Baba Şêx û Encûmena Ruhaniya Êzdiyan civiya.
Li vê civînê de Mîrê Êzdiyan bi kurtî li encama serdana xwe ya derveyê welat ji bo Serok Barzanî behs kir û pêzanînên xwe jî ji bo qurbanîdana hêzên Pêşmergeyên Kurdistanê û Partiya Demokrata Kurdistanê ji bo azadkirina Şingalê û parastin û piştgirîkirina Kurdên Êzdî û pêkhatên din derbirî.
Her li vê civînê de tekez li ser wê yekê kirin ku pêwîste bi zûtirîn dem rêkeftinnameya Şingalê bê bi cîhkirin û astengiyên li ber vegerandina koçberan ya ji bo warên bab û bapîrên wan nemînin. Her di derbarê babeta Şingalê ve Serok Barzanî wê yekê xisterû ku bi hemû awayekê piştgîriya bi cîh kirina rêkeftina Şingalê dike û bi pêwîst jî zanî ew hêzên li derveyê yasane ji Şingalê derkevin û rewşa Şingalê bê asayî kirin û bidin destê xelkê resenê Şingalê. Serok Barzanî amadebûyên civînê ji wê yekê piştrast kir ku bi tu awayekê rê nadin xûşk û birayên Êzdî tûşî dilgiranî û îhmalkirinê bibin.
Baregeha Barzanî
284
