Rêxistina Domîz ya PDK-Sê serdana malbata şehîd Emîn Silo kir
ARK NEWS... Di salvegera 6an ya şehîdbûna Pêşmergeyê Leşkerê Roj, Mihemed Emîn Ehmed Silo re, şandek ji rêxistina Domîz ya Partiya Demoqrata Kurdistan – Sûriya, serdana malbata şehîd li Duhokê kir.
Şand bi serokatiya Hacî Kalo endamê Komîta Navendî ya Partiya Demoqrata Kurdistan – Sûriya bû, û ji hejmarak ji endamên rêxistinê pêk dihat.
Di serdanê de behsa rola şehîd û hêzên Pêşmergeyên Leşkerê Roj di şerê rûbirûbûna DAIŞa terrorist kir.
Di roja Çarşemê, 18ê Çileya 2017an de, Pêşmergeyê Leşkerê Roj, Mihemed Emîn Ehmed Silo ji ber birînên xwe di şerê dijî DAIŞê de li Eskî Mûsil, ku ji aliyê nîşanvanekî DAIŞê ve hatibû armanckirin, şehîd bû.
Pêşmergeyê Leşkerê Roj, Mihemed Emîn Ehmed Silo, di Fewca Yekê, di nav hêzên Pêşmergeyên Leşkerê Roj de, cihê xwe digirt.
Şehîd Mihemed Emîn Ehmed Silo, ji şêniyên gundê Xerabê Reş yê ser bi bajarokê Tirbespiyê ve ye, jidayikbûyê 1994an, taxa Meyselûn ya bajarê Qamişlo yê Rojavayê Kurdistanê ye.
100
