Nûneratiya Herêma Kurdistanê ya ENKSê serdana baregeha wezîrê hundirîn ya Herêma Kurdistanê kir
ARK NEWS... Şandeke nûneratiya Herêma Kurdistanê serdana baregeha wezîrê hundirîn ya Herêma Kurdistanê kir, û hejmarek mijar û babet gotubêj kirin.
Bi mebesta pîrozbahîkirinê li Dr. Hêmin Mîranî li ser posta wî ya nû weke birêveberê ofîsa wezîrê hundrîn ya Herêma Kurdistanê, şandeke nûneratiya Herêma Kurdistanê ya Encûmena Niştîmanî ya Kurd li Sûriyê serdana wî kir.
Di hevdîtnê de herdu aliyan behsa rewşa siyasî li ser qada Sûriyê bi giştî û ya Rojavayê Kurdistanê û dawîn pêşhate bi taybetî kir. Herweha rewşa hecacên kurdên Rojavayê Kurdistanê û standina rêkarên taybet bi çûna wan bo Hecê ji Herêma Kuristanê, û rewşa penaberên Rojavayê Kurdistanê yên li Herêma Kurdistanê dimînin û kêşe û pirsgirêkên ku arasteyî wan tên, bi taybetî derbarê nasnameyên neştecîbûnê hate kirin.
232
