Di heyama heftiyekê de Çeteyên Ciwanên Şoreşger 9 zarok revandin
ARK NEWS .. Çeteyên Ciwanên Şoreşger li Rojavayê Kurdistanê di revandin û biçavkirina zarokan de berdewam in, herî dawî zarokek ji derbederên Efrînê li Helebê revand .
Jêderek xwecihî taybet ji ARKê re ragihand ku Duh çeteyên Ciwanên Şoreşger zarokê 13 salî yê bi navê Îsam Muhemed Îsa ji nava dibistanê li taxa Şêx Meqsûda Helebê revand û berev cihekî nediyar ve birin , û ta niha çarenivîsa wî nediyar e.
Li gorî heman jêderê daye zanîn zarokê revandî bi xwe xelkê gundê Qetme yê bi ser Efrînê ye , û li taxa Şêx Meqsûd li Helebê li gel malbata xwe neştecîbû .
Di heyama heftiya bûrî de Çeteyên Ciwanên Şoreşger 9 zarokên Kurd yên jêr 18 salî ji bajarên Amûdê , Qamişlo , û deverên Şehbayê li Helebê revandine , û ta roja îro çarenivîsa wan zarokên revandî nediyar e.
498
